A Subdelegación do Goberno reparte neste mes outras 180.000 máscaras na provincia
Por Redacción
A Subdelegación do Goberno vén de pór en marcha un novo reparto de 180.000 máscaras na provincia. Estas máscaras súmanse ás case un millón que o Goberno español repartira xa na provincia desde o inicio da pandemia.
Neste quinto operativo de distribución de máscaras, 54.000 serán repartidas pola Deputación de Pontevedra aos concellos da provincia de menos de 20.000 habitantes.
Ademais, outras 48.000 máscaras serán entregadas a Cruz Vermella, Cáritas e o Cermi (Comité Español de Representantes de Persoas con Discapacidade) para o seu reparto entre a poboación máis vulnerable da provincia.
En total e desde abril, a Subdelegación do Goberno repartiu 992.000 mil máscaras entre concellos, usuarios de transporte, residencias de anciáns e colectivos sociais e empresariais. Con esta nova remesa, de 180.000 unidades, supérase o millón de máscaras de protección repartidas polo Estado entre a veciñanza de Pontevedra.
A subdelegada do Goberno en Pontevedra, Maica Larriba quixo lembrar a importancia do uso deste elemento protector, sobre todo nestas datas.
"O Nadal é un momento especial do ano, no que todos queremos estar cos nosos seres queridos. Pero debemos facelo con coidado, aplicando todas as precaucións sanitarias. O índice de contaxios continúa sendo elevado, e seguir as medidas recomendadas é a única forma de protexernos a nós e aos nosos", engadiu.
Relacionadas:
-
A Subdelegación do Goberno reparte 360 mil máscaras a entidades locais e sociais da provincia
Por Redacción |
-
A Subdelegación do Goberno reparte outras 220.000 máscaras na provincia
Por Redacción |
-
As autoridades estarán "moi vixiantes" cos peches perimetrais e as limitacións á hostalería e ao comercio
Por Redacción |
-
Os concellos pontevedreses recibirán 54.000 máscaras máis a partir do luns
Por Redacción |
-
Cruz Vermella, Cermi e Cáritas recibiron 60.000 máscaras para a súa distribución entre os máis vulnerables
Por Redacción |
-
Os concellos e ONGD de Pontevedra recibirán 300.000 máscaras do Goberno como apoio ao inicio do curso escolar
Por Redacción |
-
A Subdelegación e a Deputación distribúen máis de 140.000 máscaras na provincia
Por Redacción |