Deportistas da Gimnástica recolocan as pasarelas desprazadas no Gafos pola enchente destes días
Por Redacción
Voluntariado da proba 'Rara, pero San Silvestre' e un grupo de deportistas da Sociedade Gimnástica desprazábanse este martes ata Ponte Valentín, na contorna do río Gafos, para levar a cabo a reinstalación de dúas pasarelas de madeira que, durante os últimos días, se desprazaron e foron arrastradas pola enchente das augas do río.
Esta acción permitirá que se desenvolvan os sendeiros previstos no itinerario número 6 da tradicional carreira do Nadal que este ano conta cunha nova proposta debido á situación pandémica.
O concelleiro de Deportes e tenente de alcalde Tino Fernández agradecía este traballo realizado de forma desinteresada. Con esta operación, aquelas persoas que se acheguen por este roteiro, de 4,8 quilómetros de lonxitude, terán facilidade para trasladarse pola senda máis visitada do río de Os Gafos, entre as estacións de tren e de autobuses e a ponte de Leira Longa, na parroquia de Tomeza.
Nos últimos días debido ao arrastre das pasarelas, os paseantes tiñan que utilizar un percorrido alternativo que discorre polas proximidades a unha canle de abastecemento do muíño que se atopa na zona.
Relacionadas:
-
Reforma de 50 metros do sendeiro fluvial dos Gafos afectados polas escorras das enchentes
Por Redacción |
-
Unha saída 'rara' para a San Silvestre e cun desexo claro: "que o ano que vén poidamos estar todos aquí"
Por Diego Espiño & Mónica Patxot |
-
Rara, pero sempre solidaria San Silvestre
Por Manu Otero |
-
A San Silvestre regresa a Montero Ríos en forma de exposición fotográfica
Por Manu Otero |
-
RADIO.- Pontevedreses, un obxectivo común: a volta ao mundo en trinta días e sen saír da cidade
Por Redacción |
-
A 'Rara, pero San Silvestre' ponse en marcha
Por Redacción |
-
A Sociedad Gimnástica incorpora oito atletas para manterse un ano máis en División de Honra
Por Redacción | Creada e actualizada