O centro de saúde de Dena conservará o seu pediatra
Por Redacción
O xerente da área sanitaria de Pontevedra e O Salnés confirmou ao alcalde de Meaño, Carlos Viéitez, que a praza de pediatría que este municipio comparte con Meis "non se amortizará", aínda que o dirixente lembrou as dificultades do Sergas para cubrir estas vacantes pola falta de especialistas.
“A atención pediátrica en Baltar é algo provisional e non aceptamos que sexa doutro xeito”, explica Carlos Viéitez, que pediu ao xerente levar a cabo unha mellora de toda a atención primaria no municipio tan pronto como se supere a crise da covid-19.
Ademais do pediatra, Meaño reclama a substitución do médico de familia no centro de saúde de Meaño.
"É prioritario que á consellería lle quede claro que a veciñanza de Meaño non está disposta a renunciar ao que por dereito lle corresponde. E confío en que tanto os grupos da oposición como os diferentes colectivos sociais e veciñais entendan que esto so o imos a conseguir traballando de xeito conxunto, como se fixo na concentración simbólica que xa realizamos ou coa aprobación dunha moción aprobada por unanimidade por todos os grupos da corporación", lembrou o rexedor.
Relacionadas:
-
Os centros de saúde de Dena e Mosteiro recuperan o luns a atención pediátrica
Por Redacción |
-
Meaño recupera a cobertura sanitaria con tres médicos nos seus dous centros de saúde
Por Redacción |
-
Protesta en Meaño para pedir a reposición do servizo de pediatría e que se cubra a praza do médico de familia nos centros de saúde
Por Redacción |
-
Meaño convoca concentración para reclamar a reposición dun pediatra
Por Redacción |
-
Meaño maniféstase o domingo contra o "precario" estado da sanidade no municipio
Por Redacción |