A Xunta replica que a vertedura de Cocheras vén da rede que xestiona o concello
Por Oskar Viéitez
A Xunta ven de emitir un comunicado de prensa no que replica ás declaracións da concelleira responsable do Ciclo da Auga, Carme da Silva e nas que salienta que o vertido detectado esta semana na ría de Pontevedra procede do bombeo de Cocheras "e ten a súa orixe nas deficiencias da rede municipal de saneamento que xestiona o Concello de Pontevedra".
A Consellería de Infraestructuras di que este vertido ten a súa orixe "nas infiltracións de augas pluviais e procedentes do mar á rede de saneamento municipal, provocando carencias no seu funcionamento".
Dende a Consellería de Infraestruturas e Mobilidade, departamento que dirixe a conselleira Ethel Vázquez, afirman que o Plan de saneamento da ría de Pontevedra, durante cuxa elaboración se analizaron os sistemas que verten a estas augas, confirmou os problemas xa coñecidos desde hai anos no bombeo de Cocheras.
A reforma deste bombeo é unhas das 10 actuacións prioritarias que esta Consellería prevé executar para avanzar no saneamento da ría de Pontevedra, cun investimento de 15 millóns de euros.
O Goberno galego, "a pesar de que o saneamento é unha responsabilidade local", trasladou a súa disposición a executar estas obras a través de Augas de Galicia empregando para o seu cofinanciamento fondos europeos Feder.
Relacionadas:
-
Augas de Galicia recibe 10 ofertas para a redacción do proxecto de mellora do bombeo de Cocheras
Por Redacción |
-
Denuncian a presenza dunha vertedura á ría en Praceres
Por Redacción |
-
A APDR afirma que as administracións seguen sen garantir o tratamento das augas residuais
Por Oskar Viéitez |
-
Salvamento Marítimo investiga unha vertedura denunciada pola APDR no peirao das Corbaceiras
Por Oskar Viéitez |
-
Pontevedra esixe á Xunta que resolva as verteduras do 'aliviadeiro' de Cocheiras
Por Alejandro Espiño |
-
O plan de saneamento da ría está "cheo de erros", segundo o Concello, e recolle como prioritarias obras xa executadas
Por Alejandro Espiño |