Adxudicadas por 1,5 millóns as obras de reforma do Centro Sur de Campolongo
Por Redacción
O Concello de Pontevedra acaba de adxudicar as obras de reforma do edificio Centro Sur de Campolongo por un orzamento de 1.547.129,15 euros.
A reforma ten un prazo de execución de oito meses e permitirá destinar dous andares a residencia para persoas con parálise cerebral de Amencer-Aspace, outros dous a Amizade-Cogami e o resto como locais de diferentes asociacións veciñais e entidades sociais como Amigos de Campolongo, Salcedo Sur, IGADI, a Polifónica, ou o Fondo Galego de Cooperación.
A Mesa de Contratación do Concello de Pontevedra aprobou a proposta de adxudicación á empresa Contrucciones Ramírez, que inclúe na súa proposta os tres bloques de mellora que se especificaban nos pregos da licitación, e que se refiren ao equipamento e a mobiliario dos espazos comúns e dos espazos destinados a dormitorios na futura residencia para persoas dependentes.
As obras de reforma implican o reforzo da estrutura do edificio, habilitar accesos diferenciados para os diferentes usos, instalar un ascensor e acondicionar os dous andares destinados á residencia de Amencer-Aspace, que contará con capacidade para 32 prazas (16 prazas por andar).
O proxecto de reforma do edificio Centro Sur está enmarcado nos Fondos Europeos de Desenvolvemento Rexional (FEDER) concedidos a Pontevedra a través da Estratexia de Desenvolvemento Urbano Sostible (EDUSI) 'Máis Modelo Urbano Pontevedra'.
Relacionadas:
-
Amencer-Aspace agarda iniciar a súa actividade na residencia de Centro Sur en setembro de 2023
Por Mónica Patxot & Anxo Lourido |
-
A entrega da residencia para persoas con parálise cerebral do Centro Sur atrásase ata comezos de 2023
Por Oskar Viéitez |
-
A futura residencia de Amencer-Aspace no Centro Sur vai tomando forma
Por Redacción |
-
Inminente inicio da reforma do Centro Sur para convertelo en residencia para dependentes
Por Alejandro Espiño |
-
Amencer Aspace estreará en oito meses unha residencia no Centro Sur con prazas para 32 usuarios
Por Manu Otero & Mónica Patxot |
-
Pontevedra espera que a boa xestión dos proxectos EDUSI sirva de aval para captar máis fondos europeos
Por Oskar Viéitez & Mónica Patxot |
-
Aproban o orzamento municipal para 2021 por 80.734.300 euros, cifra máis alta da historia de Pontevedra
Por Redacción |
-
O Centro Sur de Campolongo albergará unha residencia para persoas con parálise cerebral
Por Alejandro Espiño |
-
Posta a punto dos campos de petanca e chave de Xeve e o Centro Sur
Por Redacción |