Finaliza o prazo de axudas para computadores cun total de 1.944 solicitudes
Por Redacción
O Concello de Pontevedra informou este venres de que o prazo de solicitude de axudas para a compra de ordenadores do Plan Supera 21 recibiu un total de 1.944 peticións.
Tras pecharse o prazo o pasado mércores, o departamento de Promoción da Cidade, Réxime Interior e Contratación, xestionado por Anabel Gulías, está revisando as solicitudes que chegaron para desbotar as duplicadas e comprobar que se axustan á documentación requirida.
As subvencións deste plan poden incluír ata 5 ordenadores, dun máximo de 400 euros por cada ordenador e un máximo de 2.000 euros por unidade familiar.
Dotada cunha partida inicial de 400.000 euros, esta liña comezou o pasado 20 de abril e é a primeira que o Concello pon en marcha no marco do Plan de Reactivación Económica Supera 21.
Estas axudas, que segundo o Concello tiveron "moi boa acollida", están destinadas a corrixir o acceso desigual aos equipos informáticos e garantir o acceso de todas as familias ás novas tecnoloxías.
Relacionadas:
-
As axudas para computadores suman 1.610 solicitudes un día antes de pechar o prazo
Por Oskar Viéitez |
-
As axudas municipais para comprar ordenadores reciben 256 solicitudes en só catro días
Por Redacción |
-
Pistoletazo de saída para a solicitude das axudas do Concello para comprar computadores
Por Oskar Viéitez |