Comeza a substitución de máis de 200 luminarias led en diversas zonas de Bueu
Por Redacción
Esta semana comezaron os traballos de execución do contrato de subministro de luminarias LED en diversos puntos do Concello de Bueu, que se levan a cabo no marco do IDAE I, unha subvención xestionada pola Deputación de Pontevedra cos concellos.
Con esta actuación substituiranse máis de 200 luminarias nos lugares de Cabalo, A Ramorta e Carrasqueira.
Segundo apunta o alcalde de Bueu e encargado da área de obras e servizos, Félix Juncal, "vaise mellorar o servizo de iluminación e reducir o número incidencias durante a tempada de outono-inverno", pois nos anos anteriores o departamento de electricidade tivo que facer fronte a moitas avarías nesas zonas, sobre todo debidas á potencia e consumo que soportaban os cadros de luz, con moitos puntos conectados.
Estas luminarias de tipo LED permitirán, así mesmo, reducir o consumo de enerxía eléctrica e seguir implementando políticas respectuosas co medio ambiente. Por iso, o Concello está pendente de que a Deputación aprobe o IDAE II, no que se inseriu un segundo proxecto polo que se van renovar máis de 400 puntos de luz en catro zonas: Montemogos (Beluso); Pousada (Cela); rúa Pazos Fontenla xunto a Matilde Bares, Johán Carballeira, Rosalía de Castro, Jesús López Cortizo, Rúa do Santán e Rúa Xosé María Estévez; e Banda do Río, con actuación en Alexandre Bóveda e Francisco Escáneo.
Relacionadas:
-
Vilar e Bon estrean farois eficientes que suporán un aforro de 4.500 euros anuais
Por Redacción |
-
Bueu aforra 33.600 euros no recibo eléctrico municipal con medidas de eficiencia enerxética
Por Redacción |
-
Nova achega do IDAE para instalar caldeiras de pellets en instalacións municipais
Por Oskar Viéitez |
-
Unha nova axuda do IDAE para renovar o alumeado en Barro, Bueu e Caldas
Por Redacción |