Lores reclama en Suíza que as cidades "avancen" cara un modelo sostible
Por Redacción
O modelo urbano de Pontevedra foi obxecto de debate nun ciclo de seminarios e conversas organizado na localidade suíza de Xenebra. Ata alí viaxou o alcalde, Miguel Anxo Fernández Lores, que foi o encargado de intervir neste foro de expertos.
O ciclo está organizado polo Banque Cantonale de Genève (BCGE) baixo o nome "L'essentiel de la finance". Nel, Fernández Lores expuxo o modelo implantado na cidade.
Foi unha conferencia bastante específica, baseada en amosar exemplos claros das medidas adoptadas pola Boa Vila para a súa transformación nunha cidade máis amable coas persoas.
O convite partía dun interese básico, que é o de recuperar o centro da súa cidade, para o que buscan novas ideas, estudando outros modelos e proxectos internacionais.
O rexedor pontevedrés explicou a este respecto que "hai que avanzar", que hai que recuperar e encher as rúas de actividades e promover un modelo sostible co medio ambiente, na procura dun futuro mellor para todos os veciños de calquera cidade.
Logo de rematar a súa exposición, Virginie Fauveau, membro do consello executivo do BCGE, destacou o "dinamismo" e o "entusiasmo" demostrado polo alcalde sobre una cidade que definiu como unha urbe "vangardista e sostible".
Relacionadas:
-
O alcalde de Xenebra visita Pontevedra para inspirarse no seu modelo urbano
Por Raquel Currás Martínez & Mónica Patxot |
-
Concelleiros de Vilafranca del Penedés visitan a Boa Vila na procura de ideas
Por Mónica Patxot |
-
Alianza entre a OCDE e Pontevedra para replicar o seu modelo urbano en cidades similares
Por Redacción |
-
Elda visita Pontevedra para estudar a recuperación dos seus espazos públicos
Por Alejandro Espiño & Mónica Patxot |
-
Lores avoga por superar o "medo ao cambio" para avanzar cara cidades sostibles
Por Redacción |
-
Os arquitectos destacan en Pamplona o "sentido común" do deseño urbano de Pontevedra
Por Redacción |
-
A cidade francesa de La Rochelle tamén se interesa polo modelo pontevedrés
Por Redacción |
-
Crece o interese internacional polo modelo cultural de Pontevedra
Por Alejandro Espiño |