O Concello propón ampliar en altura o Instituto Aquis Celenis
Por Redacción
Nas reunións celebradas recentemente polo equipo de goberno coa arquitecta encargada de estudar a ampliación do Instituto Aquis Celenis, e co redactor do PXOM e os servizos técnicos de urbanismo do Concello, valorouse unha solución que permite a ampliación do Instituto en altura de forma directa, aproveitando toda a edificabilidade dispoñible actualmente, sen necesidade de adquirir ou expropiar outros terreos colindantes que teñen outras problemáticas que demorarían a construción.
Nesta solución o Instituto podería incrementar a superficie en 2.000 metros cadrados, ampliando nunha altura os volumes existentes actualmente.
Por iso, o alcalde de Caldas de Reis, José Manuel Rey, considera que o tema está "desbloqueado" e urxe á Xunta á "rápida redacción do proxecto de ampliación e a consignación orzamentaria para a súa pronta execución".
O alcalde recorda que o proxecto de ampliación do Instituto e a impartición no mesmo de ciclos formativos de FP foi plantexado por el mesmo á Consellería de Educación no ano 2018 e que o pasado 19 de febreiro comunicou á Xunta diversas posibilidades urbanísticas para desenvolver a ampliación do Instituto.
José Manuel Rey confía que nesta ocasión a solución proposta polo Concello sexa aceptada pola Consellería e desenvolvida "sen máis demoras", xa que é unha necesidade "prioritaria" para a poboación de Caldas e da súa comarca.
Relacionadas:
-
Caldas ofrece colaboración á Xunta para facilitar a ampliación do IES Aquis Celenis
Por Redacción |
-
Román Rodríguez anuncia a ampliación do instituto Aquis Celenis en Caldas de Reis
Por Oskar Viéitez |
-
Caldas quere expropiar a leira María a Recha e esixe á Xunta o proxecto de ampliación do IES Aquis Celenis
Por Redacción |
-
O IES Aquis Celenis considera que a ampliación do centro en altura non permitiría ofertar ciclos formativos
Por Oskar Viéitez |
-
Estudan a posibilidade de aumentar nunha altura o edificio do instituto de Caldas de Reis
Por Redacción |