Descende lentamente o número de casos activos covid na área sanitaria que conta con 63 positivos
Por Redacción
A área sanitaria de Pontevedra-O Salnés continúa con catro pacientes ingresados diagnosticados con coronavirus. Dous deles atópanse en planta de hospitalización mentres que outros dous permanecen na unidade de Coidados Críticos do Hospital Montecelo.
Nesta xornada, segundo os datos facilitados pola Consellería de Sanidade, hai dous enfermos con covid-19 menos que o sábado, de maneira que a cifra de casos activos sitúase en 63 pacientes.
Non se rexistraron falecementos en Galicia durante as últimas horas como consecuencia da pandemia. O número de persoas falecidas na área desde que se comunican estas mortes é de 205 persoas, mentres que 21.158 pacientes, catro máis que onte, curáronse.
Durante as últimas 24 horas realizáronse 195 probas PCR, que ofreceron dous novos positivos.
DATOS EN GALICIA
En Galicia o número de novos positivos é de 35 persoas durante as últimas 24 horas. Son 11 contaxios menos que na xornada deste sábado e catro máis que os notificados durante o último domingo de setembro.
A cifra total de casos activos é de 782 pacientes, 65 menos que o sábado. Os datos por áreas sanitarias son os seguintes: A Coruña-Cee: 190 (-6;) Vigo: 151 (-16); Lugo: 134 (-11); Ourense: 124 (-20); Santiago-O Barbanza: 95 (-11) ;Pontevedra-O Salnés: 63 (-2); e Ferrol: 25 (+1).
Prodúcese, en cambio, un incremento en pacientes hospitalizados, alcanzando os 55, cinco máis que hai 24 horas e 12 enfermos permanecen, igual que onte, nas Unidades de Coidados Críticos.
A cifra total de falecementos en Galicia como consecuencia da pandemia mantense en 2.683 persoas.
Relacionadas:
-
Lixeiro incremento de casos activos e de ingresos hospitalarios por covid-19 na área sanitaria
Por Redacción |
-
Osdriana Seco, de 32 anos, última persoa en recibir a vacina no Recinto Feiral
Por Redacción |
-
Catro pacientes permanecen ingresados na área sanitaria por covid-19
Por Redacción |
-
Este domingo pechan os centros de vacinación masiva do Recinto Feiral e Fexdega
Por Oskar Viéitez |