Moraña, Portas e Campo Lameiro estrean o seu novo punto limpo móbil
Por Redacción
A agrupación de concellos conformada por Moraña, Portas e Campo Lameiro xa teñen un novo recurso municipal, un punto limpo móbil co que fomentar a reciclaxe nos seus municipios.
Este punto limpo foi financiado con 90.000 euros pola Consellería de Medio Ambiente, Territorio e Vivenda da Xunta de Galicia.
Vai funcionar de xeito itinerante con estancias periódicas, que en principio serán semanais, para que os veciños de cada zona depositen os seus residuos, mellorando a reciclaxe, impulsando a separación dos residuos e evitando os vertedoiros incontrolados.
"Queremos liderar a xestión ordenada e sostible do lixo e por iso impulsamos estes puntos limpos móbiles para achegar ao máximo aos cidadáns a posibilidade de que separen axeitadamente os seus residuos", explicou Luis López, delegado da Xunta en Pontevedra.
A estrea deste punto limpo produciuse na Praza do Concello de Moraña, na que estiveron xunto ao alcalde anfitrión, José Cela, os rexedores de Portas e Campo Lameiro, Ricardo Martínez e Carlos Costa.
Relacionadas:
-
A Xunta dota de doce puntos limpos móbiles á mancomunidade de Portas, Campo Lameiro e Moraña
Por Redacción |
-
A Xunta entrega ao GES de Moraña un vehículo bomba urbana lixeira
Por Redacción |
-
O punto limpo móbil de Portas, Moraña e Campo Lameiro fai escala no colexio Domingo Fontán
Por Redacción |
-
Moraña aprobará este xoves o Orzamento para 2022
Por Oskar Viéitez |
-
Portas, Campo Lameiro e Moraña compartirán un punto limpo móbil
Por Redacción |