Os sistemas de recollida selectiva do Porto de Marín retiraron preto de 1.200 toneladas de residuos o pasado ano
Por Redacción
Os diferentes sistemas implantados no Porto de Marín para a recollida selectiva e reutilización de residuos por parte da Autoridade Portuaria, instalacións frigoríficas e departamentos de exportadores entre outros, deron como resultado a retirada de 1.177.538 quilos de residuos durante o ano 2021.
Segundo informa a Autoridade Portuaria, a consolidación da recollida selectiva no porto por parte desta entidade e da empresa de Servizos Portuarios Cantodarea, xunto á "cada vez maior concienciación dos usuarios", facilita a xestión portuaria dos diferentes residuos.
Deste xeito, unha vez descartados os residuos sólidos urbanos e asimilables, o 81,80% restante foi valorizable durante o pasado exercicio ao estar separado en orixe. Trátase dunha porcentaxe que cada ano vai en aumento.
Os sistemas de xestión de residuos fóronse facendo extensivos a un cada vez maior número de instalacións en toda a comunidade portuaria nos últimos anos. Como resultado, desde 2013 retiráronse de forma selectiva 7.232.938 quilos.
O Porto de Marín ten adquirido un pleno compromiso na xestión ambiental de residuos relacionados coas actividades marítimas e portuarias. O maior volume de residuos separado en orixe durante 2021 corresponde ao papel e cartón, con 492 toneladas e aos plásticos con 260 tm, principalmente das instalacións frigoríficas do porto. Séguelles outro material de refugallo como restos de redes e burlóns (155 tm entre ambos os), madeira, poliexpan ou envases lixeiros.
Relacionadas:
-
Electrificar a liña ferroviaria e mellorar os accesos terrestres, retos de futuro para o Porto de Marín
Por Manu Otero |
-
Areoso 'líbrase' de 1.100 quilos de residuos depositados no seu fondo mariño
Por Redacción |
-
Pescadores de Cambados e da Illa contribúen ao proxecto europeo de limpeza de lixo mariño
Por Redacción |
-
Limpan con mergulladores os fondos de Areoso e retiran máis dunha tonelada de lixo
Por Redacción |
-
O Porto de Marín retirou máis de mil toneladas de residuos o pasado ano
Por Redacción |