San Patricio achegará unha cata comentada de cervexas artesás ao Espazo Gastronómico do Mercado
Por Redacción
O 17 de marzo celébrase a tradicional festividade irlandesa de San Patricio e Pontevedra acollerá esa data cunha cata comentada de cervexas artesanais no Espazo Gastronómico do Mercado de Abastos de Pontevedra.
A proposta será gratuíta e destínase a persoas maiores de idade previa inscrición a través do correo electrónico actividadesomercado@gmail.com
Esta cata comentada de cervexas artesanais está impulsada polas firmas Meiga e Nasa en colaboración coa concellería de Promoción Económica e Turismo, que dirixe Yoya Blanco. A concelleira afirma que nesta actividade explicaranse os estilos clásicos e os novos formatos deste produto de lúpulo e cebada. Tamén se falará das bondades que o formato en lata ofrece para a cervexa artesanal e degustaranse as cervexas Brétema, de Meiga; e Revolta, de Nasa.
Brétema é unha cervexa dourada de cinco graos con sabor afrutado e refrescante mentres que Revolta é unha Indian Pale Ale loura, cítrica e aromática, con amargor medio, con lúpulos norteamericanos e centroeuropeos.
Relacionadas:
-
Xa está aberta a carpa da praza de España para celebrar San Patricio cos Mareantes
Por Mónica Patxot & Oskar Viéitez |
-
Dous anos despois, Pontevedra volverá tinguirse de verde polo San Patricio
Por Manu Otero |
-
Tres millóns para converter Pontevedra en destino turístico sostible e referente gastronómico
Por Natalia Puga & Mónica Patxot |