Xa está aberta a carpa da praza de España para celebrar San Patricio cos Mareantes
Por Mónica Patxot & Oskar Viéitez
A carpa da praza de España abriuse este mércores ao público brindando con cervexa, como non podía ser doutro xeito nesta celebración de San Patricio.
Neste brinde inaugural participaron o alcalde, Miguel Anxo Fernández Lores, os concelleiros Yoya Blanco, Marcos Rey, Eva Villaverde e Xaquín Moreda, e Roberto Juncal presidente do Mareantes Rugby Club, que organiza esta festa.
A carpa permanecerá aberta durante os vindeiros días en horario dende a unha da tarde ata a medianoite (o evento botará o peche o domingo 20 de marzo ás 17:00 horas), ofrecendo un amplo abano de propostas gastronómicas e culturais.
Os concertos celebraranse tódolos días en dous pases distintos, ás 19 e ás 22 horas, agás o domingo, no que haberá unha sesión vermú.
Actuará o xoves 17: "Gran Garaje"; o venres 18: "Algo pasa con Mary" e "Jugones"; o sábado 19: "Desconcerto" e "Son das Tabernas" e o domingo 20: sesión vermú
Aqueles que se acheguen ao Festival de San Patricio durante os vindeiros días poderán degustar todas estas variedades de cervexa: Guinness (5 euros), Murphys (5 euros), Hop House (4 euros), Nasa (4 euros) e a 5 euros a cervexa especial St. Patricks que é de cor verde e que foi elaborada para a ocasión e que estará dispoñible o xoves 17. A cervexa sen glute (2’50 euros) a sen alcol 0’0 (2’50 euros), a Radler (2’50 euros). Os refrescos teñen un prezo de 2’50 euros e a botella de agua 1’50 euros.
Con respecto á comida, o combo de carnes sae por 8 euros, o Irish Sausage a 5 euros, a hamburguesa especial custa 5 euros, o bocata de xamón asado son 5 euros e o pepito 3’50 euros.
Relacionadas:
-
O espazo 'Gastro' do Mercado celebra San Patricio con menús especiais, música e moita cervexa
Por Oskar Viéitez |
-
Dous anos despois, Pontevedra volverá tinguirse de verde polo San Patricio
Por Manu Otero |
-
San Patricio achegará unha cata comentada de cervexas artesás ao Espazo Gastronómico do Mercado
Por Redacción |