Dúas mulleres loitadoras imperan no muro da rúa Eduardo Pondal
Por Redacción
O muro que se atopaba degradado en Eduardo Pondal xa mostra colorido e un espírito de reivindicación feminista. A artista gráfica Nana, Diana Rodeiro, finalizaba este sábado a creación, que mantén dúas das figuras da campaña impulsada con motivo da celebración do 8 de marzo polo Concello de Pontevedra.
Co lema 'Terra de mulleres, tempo de mulleres, a creadora en colaboración con Culebra Studio desenvolvía este traballo coa idea de reflectir que as mulleres son válidas para todo e manteñen unha loita diaria para que se lles respecte ao mesmo tempo que para obter as mesmas condicións laborais e sociais que os homes.
Esta creadora galega leva case dúas décadas realizando grafitis de similares características como Vigo, Lisboa, Carballo, Barcelona, Santiago ou en Ordes, de onde é natural. Nana formouse na Escola de Artes Superior de Deseño Pablo Picasso.
Yoya Blanco, concelleira de Igualdade, indicou que a idea do mural é que se converta en perenne neste espazo para dar visibilidade á muller tanto para peóns como condutores que circulen pola zona. Considera que a loita pola igualdade é diaria, os 365 días ao ano.
Relacionadas:
-
A pintura que 'derruba muros' chega a Pontevedra
Por Alejandro Espiño & Mónica Patxot |
-
Os veciños de Eduardo Pondal piden que se reduza o tráfico que pasa pola rúa
Por Alejandro Espiño |
-
Un obradoiro artístico xuvenil crea un novo mural reivindicativo en Eduardo Pondal
Por Redacción |
-
A 'cadea de mulleres' comeza a tomar forma nos muros de Eduardo Pondal
Por Alejandro Espiño & Mónica Patxot |
-
Unha cadea de mulleres unidas en loita realzará este muro de Eduardo Pondal
Por Redacción |