A área sanitaria de Pontevedra e O Salnés recibe a 48 novos residentes
Por Redacción
O salón de actos do Hospital Montecelo foi escenario este venres do dobre acto de recepción oficial da promoción 2022-2023 de 48 residentes e na despedida oficial da promoción 2021-2022 de 41 residentes da Área Sanitaria de Pontevedra e O Salnés.
O xerente da área sanitaria, José Ramón Gómez, presidiu o acto e estivo acompañado, entre outros directivos, pola directora asistencial da Área Sanitaria, Sonia Fernández-Arruti e polo presidente da Comisión de Docencia e xefe de estudos da unidade docente de Pontevedra, o doutor Luís Anibarro García. Tanto o xerente coma os coordinadores da docencia deron a benvida nas súas intervencións a estes 48 residentes: 16 médicos de familia, 2 matronas, 20 especialistas hospitalarios e 10 enfermeiras de familia.
Todos eles coincidiron ao sinalar que o Sergas segue a formar novos profesionais nun mundo sanitario en permanente cambio, onde os progresos tecnolóxicos son constantes e motivadores.
Este dobre acto para as promocións de residentes da Área Sanitaria de Pontevedra e O Salnés tamén acolleu a conferencia maxistral “A Intelixencia Artificial na atención sanitaria” do cardiólogo clínico e responsable da Unidade de Rehabilitación Cardiaca do CHUS compostelán, Carlos Peña Gil, que expuxo exemplos prácticos de investigación que amosan o que se está a efectuar neste senso, así coma o potencial futuro da intelixencia artificial no eido da saúde.
Neste mesmo acto brindouse tamén a homenaxe de despedida dos 41 especialistas que remataron a súa formación nos hospitais e centros de saúde de Pontevedra e O Salnés, que recibiron os seus certificados acreditativos. Deles, 15 son médicos de familia, 3 son matronas, 18 son especialistas hospitalarios e 5 son enfermeiras de familia.
A Área Sanitaria de Pontevedra e O Salnés conta cun total de 81 titores, dos que 35 imparten docencia no eido da Atención Primaria, 31 forman en Atención Hospitalaria e 15 aportan docencia e formación no eido da Enfermaría.
Ademais cóntase con acreditación docente para formar matronas, enfermaría de Familia, enfermaría de Pediatría, enfermaría de Saúde Mental, especialistas en Medicina Familiar e imparte docencia en 24 especialidades hospitalarias: Análises Clínicas, Anestesioloxía e Reanimación, Cardioloxía, Cirurxía Xeral, Cirurxía Vascular, Dermatoloxía, Dixestivo, Endocrinoloxía e Nutrición, Farmacia hospitalaria, Hematoloxía e Hemoterapia, Medicina interna, Microbioloxía e Parasitoloxía, Obstetricia e Xinecoloxía, Oftalmoloxía, Oncoloxía médica, Otorrinolaringoloxía, Pediatría, Psicoloxía clínica, Psiquiatría, Radiodiagnóstico, Rehabilitación, Reumatoloxía, Traumatoloxía e Uroloxía.
Así mesmo, cómpre sinalar que a Área Sanitaria de Pontevedra e O Salnés conta cun total de cinco prazas de profesorado asociado de Ciencias da Saúde da Universidade de Santiago de Compostela nas especialidades de Aparello Dixestivo, Cirurxía Xeral e Dixestiva, Dermatoloxía, Medicina Interna e Psiquiatría.
Relacionadas:
-
300 especialistas en Oftalmoloxía congregáronse en Pontevedra no Curso do Atlántico 22
Por Redacción |
-
O Servizo de Aparello Dixestivo de Montecelo, líder galego na busca dun tratamento para o fígado graxo
Por Redacción |
-
Os centros de saúde de Bueu, Marín, Poio e Vilaboa terán atención farmacéutica presencial
Por Redacción |
-
O Sergas oferta 21 prazas fixas para médicos de atención primaria na área de Pontevedra por 65.000 euros ao ano
Por Oskar Viéitez |
-
Vivendas gratis en Sanxenxo, cebo de atracción a facultativos para traballar nos centros de saúde locais en verán
Por Redacción |
-
Un centenar de profesionais especializados asistirán no Liceo Casino ás V Xornadas sobre infeccións perinatais
Por Redacción |
-
Trece centros de saúde da área reforzaranse con 21 das 106 prazas de médico de Atención Primaria que convoca a Xunta
Por Redacción |
-
Xornada de portas abertas para futuros residentes no Hospital Montecelo
Por Redacción |