As Festas do Carme de Marín acollerán máis atraccións de feira que en anos anteriores
Por Redacción
O Concello de Marín vén realizando no último mes diversas reunións co colectivo de instaladores de atraccións de feira, despois de que se tivese que organizar unha nova ubicación (a Praza de España) durante as Festas do Carme, para garantir a boa loxística tanto do aparcadoiro público como dos concertos que se van realizar nos próximos días.
Co obxectivo de poder darlles cabida a todos, o Concello retirou módulos, xardineiras, mobiliario público, o skate park ou o campo de petanca. Para poder acordar cos donos das atraccións a distribución do novo espazo, elaborouse un plano previo á súa instalación, que foi aprobado por todos.
De feito, virán máis atraccións das que se teñen instalado outros anos durante as nosas festas. Así a todo, o Concello será "inflexible", tal e como trasladaron fontes do goberno local, no que respecta á inspección que terán que pasar todas e cada unha das atraccións antes de poñerse en funcionamento, un labor que levará a cabo unha empresa especializada entre este mércores e o xoves.
Esta inspección terá en conta tanto a parte técnica como o cumprimento de ocupación de vía pública dos metros acordados e o pago correspondente.
Por outra banda, desde o Concello lembran que se lles habilita para a instalación dos seus remolques e caravanas a canteira da Laxe, limpando e desbrozando a parcela, ademais de acondicionar o saneamento e a auga.
Relacionadas:
-
Haberá un amplio dispositivo de seguridade en Marín nos días fortes das Festas do Carme
Por Oskar Viéitez |
-
Unha animada batalla de flores enche de bo ambiente a noite marinense
Por Redacción |
-
Manuel Villanueva, no inicio das Festas do Carme: "A Marín nunca lle puiden negar nada"
Por Redacción |
-
Felipe VI presidirá os actos do Carme na Escola Naval de Marín
Por Oskar Viéitez |
-
O xoves ábrense as inscricións para a Batalla de Flores de Marín
Por Redacción |
-
París de Noia, Panorama e unha Batalla de flores nas noites de verán das Festas do Carme
Por Redacción |