O último proxecto para completar o núcleo da Peralba, en marcha desde este martes
Por Redacción
O núcleo da Peralba, en Marcón, completará moi pronto a súa renovación integral. Será coa última fase das obras previstas, que comezarán este mesmo martes. Nesta actuación está previsto un investimento de máis de 564.000 euros.
Vaise a traballar dende o cruzamento da estrada PO-532 ata o núcleo da Peralba, incluíndo a ponte sobre o río Reigosa.
Son arredor de dous quilómetros nos que se pavimentará toda a vía fresando e saneando os tramos nos que se ten detectado "pel de crocodilo", unha serie de fisuras interconectadas na superficie do pavimento,
Ademais, incorpórase a rede de recollida de pluviais, calmado de tráfico en toda a vía e bandas de protección de dobre onda.
O traballo de maior envergadura é a rehabilitación da ponte sobre o río Reigosa, unha demanda da veciñanza dende hai anos. Implica tanto traballos hidrolóxicos como un plan de tráfico para atender ao núcleo de poboación, que xeralmente se conecta a través desta ponte.
As obras fanse no verán aproveitando que non existe o servizo de autobús escolar e porque o río leva menos auga.
Consiste en levantar toda a ponte. Para iso, primeiro, dividirase o río en dúas canles. Desviarase a totalidade da auga cara unha delas para poder traballar na outra, e cando remate ese lado, desviarase cara o outro para rematar a ponte.
O proxecto prevé un mes de traballos pero este prazo dependerá do tempo meteorolóxico e do estado da ponte unha vez que se poidan ver os seus alicerces sen auga.
Tamén supón o peche total da estrada PO-532 nese punto. Os veciños deberán acceder ao núcleo de Peralba a través da estrada cara os núcleos de Vilarchán, en Ponte Caldelas, ou do Salgueiral, en Bora.
Nos últimos tres anos, o Concello ten realizado o saneamento no lugar da Peralba, o pavimentado do núcleo coa construción de rede de pluviais, e a instalación de alumeado LED para mellorar a eficiencia enerxética e a visibilidade na zona.
O investimento global de todas estas actuacións suma case 890.000 euros.
Relacionadas:
-
Novo atraso de seis meses nas obras de ampliación do polígono do Vao
Por Natalia Puga |
-
O acceso á Peralba abrirá o xoves ante os avances na obra da nova ponte
Por Redacción |
-
O verán non para as obras no rural, que seguen "a bo ritmo" en Campañó, Mourente e Marcón
Por Redacción |
-
O soterramento da tubaxe de abastecemento continúa por Albeiro Sur e Vilafranca
Por Redacción |
-
Alerta na Peralba por una vertedura de chapapote detectada nun regacho de Marcón
Por Alejandro Espiño |
-
A Peralba estrea a súa nova iluminación LED
Por Redacción |