Representantes das centrais sindicais CESM, PROSAGAP, OMEGA, TSP e CO-BAS da área sanitaria de Pontevedrda-O Salnés mantiñan este martes un encontro co xerente do Sergas, José Flores, despois de reunirse o venres coa responsable de Recursos Humanos do Servizo Galego de Saúde.

Durante esta reunión, o xerente comprometíase a adoptar cambios no equipo directivo da Xerencia da área sanitaria liderada por José Ramón Gómez, que está a sumar críticas nos últimos tempos pola xestión dos servizos nos PAC e en Atención Primaria, principalmente. Segundo os sindicatos, Flores atendeu ás peticións dos portavoces dos traballadores coa intención de reconducir a situación de "deterioración sistemática" que está a sufrir a Sanidade Pública nestes distritos das Rías Baixas.

Ademais, os sindicatos avanzan que na próxima reunión co xerente do Sergas abordarase o deseño dun Plan Funcional de Choque Específico para analizar os recursos materiais, económicos e humanos actuais co obxectivo de que se garanta unha "asistencia adecuada, de calidade e eficiente".

Os sindicalistas rexeitan o Plan de Continxencias actual e especialmente as gardas de substitucións nos Puntos de Atención Continuada. Flores lembroulles que as instrucións da Dirección Xeral de Recursos Humanos baseouse nun principio xeral de voluntariedade para abordar a situación actual.

Desde os sindicatos agradécese a vontade dos responsables da Conselleería de Sanidade e esperan que "se poida reverter esta situación e volver prestar unha sanidade pública de calidade, como a que cidadáns e profesionais merecen". 

de calidad, como la que ciudadanos y profesionales
merecen’.