O atraso na demolición do Mercado de Cantodarea, un problema para os veciños
Por Redacción
A asociación veciñal A Fonte critica que aínda non se realizou a demolición do antigo mercado de Cantodarea, en Marín.
Non entenden se se trata de "ineficacia, ineptitude ou cinismo político do actual equipo de goberno" que leva "doce anos ilusionando a un barrio cunha promesa xa incumprida e prometida en todos os programas electorais".
"É dun cinismo escandaloso ocupar páxinas e páxinas de medios de prensa con promesas incumpridas con tal de manter o 'fotocall' do Concello en primeira plana", engaden desde este colectivo.
Din que se lles prometeu que retirarían o mobiliario urbano pero converteuse nun "fogar de roedores, pulgas, chinches e excrementos", un "segundo estercolero na entrada superior de Marín".
Un exemplo de "desidia, ineptitude e desprezo" segundo os veciños de Cantodarea e Estribela, que esixen que se emprendan as accións necesarias para "solucionar este esperpento e satisfacer as mínimas necesidades de esparexemento nunha zona de recreo acondicionada para o efecto".
Relacionadas:
-
A retirada da liña de Fenosa dá luz verde á demolición do mercado de Cantodarea
Por Redacción |
-
A demolición do antigo Mercado de Cantodarea, á espera do soterramento da infraestrutura eléctrica
Por Redacción |
-
Unha empresa coordinará un "diario de olores" coas queixas da veciñanza de Cantodarea
Por Redacción |
-
Adxudicada a obra de demolición do antigo Mercado de Cantodarea
Por Redacción |
-
O ruinoso mercado de Cantodarea será demolido e transformado nun espazo verde
Por Redacción |