Educación comprométese a acometer as obras de mellora do colexio Pedro Antonio Cerviño
Por Redacción
O alcalde de Campo Lameiro Carlos Costa e a concelleira Nieves Boullosa mantiveron unha xuntanza de traballo co xefe territorial da Consellería de Cultura, Educación, Formación Profesional e Universidades, César Pérez Ares, na que abordaron as necesidades de infraestrutura relacionadas co colexio público Pedro Antonio Cerviño da localidade.
Neste encontro, a Xefatura Provincial de Educación comprometeuse a acometer de inmediato unha serie de melloras no centro educativo, como son o pintado de varias aulas e espazos do edificio, o arranxo de persianas e xanelas, e arevisión do sistema de calefacción ou a substitución de radiadores, entre outras.
Carlos Costa insistiu diante do xefe territorial da Consellería en Pontevedra na necesidade de realizar as obras no CEIP Pedro Antonio Cerviño á maior brevidade posible, dado o próximo inicio do curso escolar.
Previo ao inicio destes traballos, unha comisión de técnicos visitará o centro educativo para avaliar as intervencións necesarias.
Relacionadas:
-
Un total de 400 persoas participarán na Primeira Andaina Concello de Campo Lameiro
Por Redacción |
-
O luns 5 comeza a folga nas escolas 'Galiña Azul' por abuso de temporalidade
Por Redacción |
-
O proxecto 'CampoCultura=CampoLee', premio María Moliner do Ministerio de Cultura
Por Redacción |
-
Máscaras personalizadas para o alumnado do CEIP Pedro A. Cerviño de Campo Lameiro
Por Redacción |
-
Limpeza e desinfección a fondo nos centros educativos de Campo Lameiro para recibir aos primeiros alumnos
Por Redacción |