O luns 5 comeza a folga nas escolas 'Galiña Azul' por abuso de temporalidade
Por Redacción
O sindicato CNT convocou unha folga no Consorcio galego de Igualdade e Benestar a partir deste luns 5 de setembro. A decisión afecta o persoal das escolas 'Galiña Azul'.
O motivo desta protesta atópase en que o sindicato denuncia que o ente público traballa cun 90% do seu persoal en fraude de lei por abuso de temporalidade na contratación. Reclaman a fixeza e a aplicación da directiva europea que, segundo o sindicato, recoñece a ilegalidade na que se atopan estes traballadores.
Ao longo do trimestre realizaranse quince xornadas ao mes de folga. A primeira iníciase este luns 5 e durará ata o venres 16 de setembro. O sindicato reclama unha convocatoria dun proceso selectivo propio e non unha oposición non eliminatoria, ademais de que se retire o concurso de traslados e unha fórmula de selección na que prime a formación impartida polo Consorcio e a experiencia profesional.
Relacionadas:
-
Traballadores do Consorcio de servizos de igualdade e benestar recriminan a Rueda que "non escoita a súa xente"
Por Natalia Puga & Mónica Patxot |
-
Corte de tráfico en Padre Amoedo polas traballadoras do Consorcio Galego de Igualdade e Benestar
Por Oskar Viéitez |
-
O delegado da Xunta leva a tomar un café a un grupo de traballadores en folga
Por Oskar Viéitez |
-
Educación comprométese a acometer as obras de mellora do colexio Pedro Antonio Cerviño
Por Redacción |
-
A reforma do IES Valle-Inclán comezará en 2023 cun orzamento de 4,7 millóns
Por Cristina Saiz & Anxo Lourido |
-
RADIO.- Achégase o inicio do curso escolar con nova lei e máis caro para as familias
Por Redacción |