Os populares reclaman á Deputación axudas directas para as traídas de augas xestionadas por comunidades de usuarios
Por Redacción
O grupo provincial do Partido Popular reclama á Deputación de Pontevedra crear unha liña directa de axudas para as traídas de auga xestionadas por comunidades de usuarios.
Segundo os datos que manexa o PP, estas comunidades supoñen no rural un 90% dos casos.
O voceiro do PP, Jorge Cubela explicou no último pleno que moitos concellos teñen dificultades para poder acollerse ao Plan Provincial de Axudas contra a Seca, porque se exclúe ás traídas de auga veciñais, a pesar de que son as que dan servizo a unha parte importante do rural e é a solución máis eficiente para abastecer a poboacións máis alonxadas.
Cubela asegura que é unha situación que afecta a unha parte importante do rural da provincia polo que insiste en que é necesario articular unha liña de axudas por concorrencia competitiva para as traídas xestionadas por comunidades de usuarios.
Relacionadas:
-
Presentan os estudos técnicos do plan de abastecemento autónomo de Galicia
Por Redacción |
-
Iníciase a enchedura do depósito da Costa para a súa entrada de novo en funcionamento
Por Redacción |
-
Carmela Silva destaca que a Deputación é a administración pública galega que máis recursos dedica a facer fronte á seca
Por Oskar Viéitez |
-
A Deputación apoiará economicamente aos concellos nas obras de emerxencia derivadas da seca
Por Oskar Viéitez |