Coches, bicicletas e patinetes eléctricos repostarán gratis en Portas
Por Redacción
O Concello de Portas presume de ser pioneiro no fomento do uso de enerxías alternativas fronte ao emprego de combustibles fósiles. O motivo é que instalou na Rapeira un posto de recarga semirápida para automóbiles, bicicletas e patinetes de carga eléctrica.
Este servizo, polo momento, será gratuíto e se autoxestionará polos usuarios. A instalación conta con dúas prazas de aparcamento sinalizadas en verde para dar servizo a dous vehículos ao mesmo tempo cunha potencia máxima de 22 Kw/hora.
O custo do investimento, segundo o goberno local, ascende a 10.836 euros e o Fondo Europeo Agrícola de Desenvolvemento Rural (Leader) achegou 9.687 euros.
Ricardo Martínez, alcalde de Portas, espera que o servizo se use de maneira racional e que poida ser utilizado pola veciñanza e tamén por visitantes que queiran encher comodamente mentres fan as súas compras ou as súas xestións no municipio. A electrolinera atópase próxima ao campo de fútbol, ao centro de saúde e a Casa de Cultura.
O rexedor manifesta que o futuro está no uso racional e sostible da enerxía e destacou esta experiencia pioneira na que "temos depositadas moitas ilusións".
Relacionadas:
-
Un total de 68 pontevedreses recibiron axudas da Xunta para comprar unha bici eléctrica
Por Oskar Viéitez |
-
Iberdrola instalará en Pontevedra un punto de recarga para coches eléctricos
Por Alejandro Espiño |
-
Piden que Pontevedra cree puntos de recarga públicos para coches eléctricos
Por Redacción |
-
Os coches eléctricos xa se poden cargar no campus universitario
Por Redacción |
-
Xa se poden recargar coches eléctricos no Hiper Froiz
Por Redacción |