A reforma do núcleo do Xuviño estará feita a principios de 2023
Por Redacción
A actuación municipal para a reforma do núcleo do Xuviño, en Combarro, comezará en breve e, se non hai contratempos, o Concello confía en que estea rematada nos primeiros meses de 2023.
A obra, que se financia a través de fondos europeos obtidos ante o Instituto para la Diversificación y Ahorro de Energía (IDAE), foi adxudicada cun orzamento de case 281.000 euros. Será a empresa EC Casas a encargada de executala.
Os traballos servirán para reforzar a seguridade peonil, a través da dotación dunha plataforma única, ao tempo que se garante a mobilidade sostible e universal, eliminando barreiras arquitectónicas e reducindo a pegada de carbono.
A dotación e renovación completa dos servizos básicos no lugar, así como a instalación do alumeado, completará esta actuación.
O concelleiro de Urbanismo, Gregorio Agís, destacou que esta obra busca facer que a contorna do Xuviño "experimente unha importante transformación”, ao tempo que se respecta a singularidade arquitectónica deste núcleo.
Relacionadas:
-
A rehabilitación do núcleo do Xuviño comezou polos servizos básicos
Por Redacción |
-
A vindeira semana comezarán as obras no núcleo do Xuviño, en Combarro
Por Redacción |
-
O investimento total na rehabilitación dos núcleos tradicionais de Poio ascende a 2,3 millóns de euros
Por Redacción |
-
A rehabilitación do núcleo do Xuviño sairá máis cara do previsto
Por Redacción |
-
A veciñanza do Xuviño fai as súas achegas para enriquecer o anteproxecto de mellora do núcleo
Por Redacción |