Xuristas con experiencia en Memoria Histórica consideran "cosmética" a nova Lei de Memoria Democrática
Por Redacción
A nova Lei de Memoria Democrática, que se basea na idea de que o Estado asuma a procura e identificación de persoas desaparecidas e o impulso das exhumaciones de persoas asasinadas pola represión franquista, era analizada este venres nas xornadas 'Galiza ten memoria', que organiza o Departamento de Memoria Histórica da Deputación de Pontevedra.
A conclusión á que chegaron xuristas especializados na área de Memoria Histórica é que esta nova lei non garante o dereito á tutela xudicial efectiva das vítimas do franquismo e, durante a sesión, sinalábase que é "simbólica", "cosmética" ou "edulcorada" ao entender que seguirán a inadmitirse a trámite as denuncias que se presenten.
María Ortega, deputada de Memoria, explicaba neste cita que a xornada pretendía analizar a recente aprobación da nova lei, xa en vigor desde o 20 de outubro, coa intención de que as vítimas e as súas familias coñezan as opcións legais que existen para obter a reparación xudicial que lle garanta a legalidade internacional da man de persoas expertas na materia.
Jacinto Lara Bonilla e Paloma García Varela, integrantes do equipo xurídico de CeaQUA, a avogada María Del Pilar Moledo, en representación do Colexio de Avogacía de Pontevedra e o querelante Miguel Ángel Gómez ‘Gus’, ademais de representantes de colectivos da provincia e familiares de figuras destacadas para a Memoria en Galicia, trataron a nova lei con detalle durante a sesión.
As persoas expertas entenden que aquela parte da poboación que sufriu violacións dos dereitos humanos durante a ditadura franquista, a transición ou noutros tempos carecen de opcións para que as súas denuncias prosperen porque, sinalan, non se toca a Lei de Amnistía, argumento que esgrimen os tribunais españois para impedir a investigación e o ensalzamiento dos crimes franquistas, segundo indican desde o departamento da Deputación de Pontevedra.
Jacinto Lara expuxo que é necesario que as persoas directamente afectadas e a sociedade continúen demandando xustiza "en maiúsculas" xa que considera que esta lei non permitirá obter resolucións xudiciais favorables ás vítimas.
Relacionadas:
-
A Deputación inaugura as Xornadas Contra a Impunidade poñendo luz na sociedade que querían construír as vítimas do Franquismo
Por Redacción |
-
A nova Lei de Memoria Democrática garante o acceso das vítimas do franquismo á xustiza?
Por Redacción |
-
A Deputación programa a ‘Foliada da Memoria’ en homenaxe á música represaliada
Por Diana Eiras & María José Pita |
-
O libro disco 'Acorda', nova aposta da Deputación para que a memoria permaneza e chegue á xente nova
Por Redacción |