Os pais do colexio San José presentan 200 sinaturas contra os cambios viarios en Arcebispo Malvar
Por Oskar Viéitez
O grupo municipal do Partido Popular trasladará a un vindeiro pleno, previsiblemente o ordinario do mes de xaneiro, "o conflito xerado polo alcalde Lores coa decisión de expulsar aos pais e nais do colexio de San José, situado na praza do Teucro, da rúa do Arcebispo Malvar á hora de deixar aos nenos para ir ao centro educativo".
Jacobo Moreira reuniuse este martes cunha representación do colectivo, que lle transmitiu a súa contrariedade "pola teima municipal de non atender a súa demanda ".
A concellaría de Seguridade Cidadá aplicou reaxustes na rúa Arcebispo Malvar, impedindo aparcar os pais que ian recoller ao seus fillos nos colexios próximos, antes o permitían de forma excepcional e durante un cuarto de hora.
Esta decisión obriga ao colectivo a deixar aos nenos na confluencia entre a praza de Valentín García Escudero e a rúa Sierra, con permiso para parar, pero non para aparcar os vehículos. As maiores queixas derívanse do feito de que os nenos teñen que achegarse sós dende alí ata o colexio.
Segundo explicaron estas nais, o concelleiro César Mosquera, nun encontro suxeríulles que negociaran un prezo económico co propietario do párking soterrado do Mercado.
Moreira introducirá o asunto nun próximo pleno municipal. Pola súa banda, as familias presentaron este martes no Concello un escrito coas súas demandas avalado por máis de 200 firmas.
Relacionadas:
-
O goberno local reafírmase nas medidas adoptadas para o traslado de nenos ao Colexio San José
Por Redacción |
-
Un grupo de pais de San José aborda a Lores reclamándolle unha solución para recoller os nenos do colexio
Por Redacción |
-
Pais de nenos do Colexio San José colapsan Doctor Marescot e Mosquera ofrécelles unha zona de servizos en Arcebispo Malvar
Por Anxo Lourido |
-
Pais de alumnos do Colexio San José protestan este luns ante o Concello para reclamar o acceso en coche ao centro histórico
Por Anxo Lourido |