Lores lamenta que ENCE teña "dereito de pernada" en Pontevedra: "É un fracaso do Estado de dereito"
Por Alejandro Espiño
O alcalde de Pontevedra, Miguel Anxo Fernández Lores, non ocultou a "gran sorpresa" que supuxo no goberno municipal a decisión do Tribunal Supremo de revogar as sentenzas da Audiencia Nacional e avalar a continuidade da fábrica de Ence en Lourizán.
"É un fracaso do Estado de dereito", sentenciou Fernández Lores, que compareceu esta tarde en rolda de prensa para valorar o fallo do alto tribunal que, segundo engadiu, é "dificilmente entendible" para a cidadanía e demostra que Ence ten "dereito de pernada".
O alcalde asegurou que "nunca deixarei de loitar por todas as vías posibles, por terra, mar e aire, para cumprir o soño da grandísima maioría dos pontevedreses de ver a ría sen Ence" e, a este respecto, explicou que os servizos xurídicos do Concello decidirán que vía tomar.
Será despois de que estuden a sentenza que, segundo o propio Supremo, tardará aínda uns días en publicarse e que recolle o voto particular da maxistrada Ángeles Huet, contraria á decisión adoptada polo resto dos maxistrados que analizaron esta cuestión.
Lores lembrou que a pelexa do Concello contra o Estado, primeiro, e o "gran capital" despois, "foi sempre desigual" e ironizou, parafraseando a Quevedo, que este fallo xudicial mostra como "poderoso caballero es Don Dinero".
"A ver como se explica nas facultades de dereito como se di unha cousa e a contraria nun prazo de seis meses", subliñou o rexedor pontevedrés, que lamenta que a decisión do Supremo supoña "cargarse a lei de Costas e a protección e recuperación do noso litoral".
Con respecto ás reaccións que xerou o fallo favorable a Ence, Lores considera que é "incomprensible" que dous pontevedreses como Alfonso Rueda e Rafa Domínguez, "queiran tan mal" a esta cidade "como para facer campaña para que esta industria pesada siga na ría".
Ademais, criticou ao Goberno central por non ser "consecuente" coa loita contra o cambio climático, acusándoos de que "cando hai que tomar decisións non se toman", contribuíndo a "perpetuar" agresións ao medio ambiente como a actividade de Ence.
Relacionadas:
-
Lores afirma que a sentenza de Ence abre novas posibilidades de recurso e garante que o Concello "vai seguir loitando"
Por Mónica Patxot & Anxo Lourido |
-
Lores celebra que Bruxelas "coincida plenamente" coa loita do Concello por recuperar a ría
Por Alejandro Espiño |
-
Aviso de Bruxelas a España: as concesións a 75 anos na costa son "contrarias" á normativa europea
Por Alejandro Espiño |
-
Telmo Martín: "ENCE xera economía pero ás veces hai cousas que son máis importantes"
Por Alejandro Espiño |
-
Colmenares sostén que o fallo do Supremo sobre ENCE é "definitivo" e non se poderá recorrer
Por Redacción |
-
ENCE prevé investir 130 millóns na súa fábrica de Lourizán nos próximos dez anos
Por Alejandro Espiño |
-
Alfonso Rueda insta ao Concello a cesar no seu "acoso" a ENCE e a dar "paz e tranquilidade" aos traballadores
Por Alejandro Espiño |
-
Pedrosa, de CCOO, sobre a sentenza que garante a permanencia de ENCE: "É un fracaso de Lores e do BNG"
Por Mónica Patxot & Anxo Lourido |
-
Sectores auxiliares de ENCE, "emocionados, contentos e felices" tras o fallo do Supremo
Por Alejandro Espiño | Creada e actualizada
-
Rafa Domínguez aplaude o fallo de ENCE porque "mantiene cientos y cientos de puestos de trabajo"
Por Oskar Viéitez |
-
O PSOE avoga por "tentar compasar e facer compatible" o fallo do Supremo coa rexeneración da ría
Por Oskar Viéitez |
-
Alfonso Rueda celebra que coa decisión do Supremo sobre ENCE "gañou a sensatez e a legalidade"
Por Alejandro Espiño |
-
"Satisfacción" en ENCE tras confirmar o Supremo a legalidade da súa concesión en Pontevedra
Por Alejandro Espiño |
-
O persoal de ENCE na fábrica recibiu a nova da súa continuidade en Pontevedra con "sorrisos, bágoas e prantos"
Por Anxo Lourido |
-
Greenpeace cre que a decisión do Tribunal Supremo permite a ENCE "seguir danando a ría de Pontevedra"
Por Oskar Viéitez |
-
ENCE, ata 2073: O Tribunal Supremo avala a continuidade da pasteira en Lourizán
Por Alejandro Espiño |