Marbella e Rever amenizarán en marzo a festa de San Gregorio de Raxó
Por Redacción
Durante estes días, a comisión de Festas de Raxó traballa na elaboración final do programa de actividades da festividade de San Gregorio.
Desde a organización avanzan que a festa se iniciará o venres 10 de marzo con animación polas rúas da parroquia de Poio a cargo da batucada de Os Queimatasas e a actuación do Trío Azabache e Due discoteca móbil.
Durante a xornada do sábado 11, a charanga Mil9 encargarase de realizar un pasacalles. Pola noite chegarán os espectáculos musicais a cargo da orquestra Marbella e o grupo Rever.
Xa o domingo 12 celebrarase a misa solemne en honra de San Gregorio coa procesión, a continuación. Pola tarde, o público infantil será o protagonista da festa con Javi Solla.
Esta festas fixéronse moi populares no ano 2020 debido ao sorteo do xoguete sexual 'satisfyer', que provocou un gran balbordo na contorna. A irrupción do coronavirus provocou a suspensión das festas e a celebración en liña do ansiado sorteo.
Nesta ocasión, a comisión organizadora agradece a colaboración de casas comerciais, empresas, autónomos e veciñanza que colaboraron para organizar unha nova edición desta festa tradicional.
Relacionadas:
-
As festas de San Gregorio de Raxó vencen o mal tempo
Por Redacción |
-
Raxó recupera as festas de San Gregorio tras o parón pola covid-19
Por Redacción |
-
O coronavirus non pode co mediático sorteo dun Satisfyer en Raxó: farase este domingo por Facebook
Por Redacción |
-
San Gregorio réndese ao furor do 'satisfyer'
Por Alejandro Espiño |