Portonovo, de loito rigoroso para enterrar a súa sardiña
Por Redacción
Ata Portonovo desprazouse este mércores o Entroido de Sanxenxo. Fíxoo para despedir, con todas as honras que se merece, ao seu personaxe máis simbólico: a sardiña.
Centos de persoas non quixeron perderse o seu tradicional Enterro da Sardiña, que converteu as principais rúas da vila nun auténtico velorio ao aire libre.
Vestidos de rigoroso negro e mostrando o seu pesar pola perda de tan entrañable peixe, os membros da comitiva reuníronse sobre as sete da tarde na Rúa Areal, desde onde acompañaron á defunta ata o recinto portuario de Portonovo.
Alí, como marca o costume, déronlle o último adeus e queimaron o seu corpo, despedíndoa ata o próximo Entroido no que regresará con forzas renovadas.
Ao remate do enterro houbo ademais unha chocolatada para todos os asistentes.
Co Enterro da Sardiña, que organiza a comisión de festas San Cristóbal de Portonovo co apoio do Concello de Sanxenxo, non terminan as festas na parroquia. Este sábado será a Festa do Jato, unha iniciativa da asociación Rúa dos Viños.
Relacionadas:
-
Sanxenxo puxo o broche de ouro ao Entroido co desfile
Por Redacción |
-
A Festa do Ghato enche de diversión as rúas dos viños de Portonovo
Por Redacción |
-
Advirten de cortes de luz en Sanxenxo durante este domingo
Por Álvaro Arosa Barco |
-
Recta final do entroido de Sanxenxo co enterro da cabra, as parodias a Festa do Jato e o desfile
Por Redacción |
-
O desfile infantil pisa con forza en Sanxenxo para dar unha calorosa benvida ao Entroido
Por Redacción |
-
Arra recupera o seu entroido con chocolate con churros, churrasco e concursos de disfraces
Por Redacción |
-
Máis de 12.000 euros van repartirse nos premios do Entroido 2023 en Sanxenxo
Por Redacción |
-
A Festa do Jato de Portonovo quere presentarse no Culturgal
Por Redacción |