Sanxenxo estrea unha nova unidade de atención temperá para nenos de 0 a 6 anos de todo o sur do Salnés
Por Redacción
Aliviar a carga asistencial que actualmente asumía a unidade de Vilagarcía de Arousa. Ese foi o principal obxectivo que persigue a Xunta de Galicia para desdobrar este servizo no Salnés, creando unha nova unidade de atención temperá en Sanxenxo.
Esta unidade, que atende nenos e nenas de 0 a 6 anos con posibles problemas de desenvolvemento, dará cobertura a Sanxenxo, O Grove, Meaño, Meis e Ribadumia.
O equipo de profesionais, que traballará en horario de mañá e de tarde para facilitar a conciliación laboral e educativa, estará formado por unha psicóloga de psicomotricidade, unha psicóloga de apoio ás familias, un logopeda, unha pedagoga e educadora e un auxiliar administrativo.
Para poder abordar esta actuación, segundo explicou este xoves o director xeral de Persoas con Discapacidade, Fernando González Abeijón, a Xunta de Galicia duplicou o investimento do convenio coa Asociación Galega de Atención Temperá (AGAT), ata case 740.000 euros.
Este centro, que o cuarto que xestiona AGAT en Galicia -entre eles o de Salnés norte para Vilagarcía, Vilanova e A Illa-, é un dos corenta centros activos en toda a comunidade, que dan servizo a un total de douscentos municipios de todo o país.
Relacionadas:
-
Máis de dous anos en lista de espera para que a súa filla sexa atendida por un logopeda
Por Redacción |
-
Reforzo para a Unidade de Desenvolvemento Infantil e Apoio Familiar do Salnés
Por Redacción |
-
O Servizo de Atención Temperá de Cuntis ten continuidade garantida dous anos
Por Redacción |
-
Bueu estrea o seu servizo de atención temperá para nenos de 0 a 6 anos
Por Redacción |