Obxectivo cumprido: Campo Lameiro será a Capital do Turismo Rural 2023
Por Alejandro Espiño
Campo Lameiro está de parabéns. O municipio acaba de converterse no primeiro concello galego en ser elixido como Capital de Turismo Rural. Así o decidiu o público que, cos seus votos, participou no certame organizado por EscapadaRural.
Esta vila pontevedresa foi a preferida pola inmensa maioría dos visitantes deste portal especializado en turismo rural e substituirá a Cazorla (Xaén) como referencia do turismo rural en todo país. Logrou o 16,9% dos votos fronte o 16% de Candeleda (Ávila). Gozará do seu título durante todo un ano.
"Grazas aos nosos veciños por presumir de concello, por saber trasladar o que somos, por conservar o que fomos e por proxectar coa vosa ilusión e o voso agarimo o que podemos chegar a ser", manifestou o Concello de Campo Lameiro tras a súa elección.
O goberno municipal celebra que este éxito "fixémolo xuntos sen perder a nosa esencia" e agradece tamén todo o apoio recibido "desde absolutamente todos os ámbitos".
Ademais, Campo Lameiro sostén que foi unha "inmensa honra" compartir esta aventura con Candeleda (Ávila), Zerain (Guipúscoa), Colmenar de Oreja (Madrid), Nalda (A Rioxa), Bocairent (Valencia), Elche de la Sierra (Albacete), Segura de León (Badaxoz) e Ricote (Murcia).
Todos eles son "tesouros da nosa xeografía que vos animamos a visitar".
Relacionadas:
-
Campo Lameiro recibiu un impacto valorado en case un millón de euros por ser Capital do Turismo Rural
Por Redacción |
-
Campo Lameiro presumirá de Capital do Turismo Rural en Fitur
Por Redacción |
-
Campo Lameiro celebra cunha xornada de festa o seu nomeamento como Capital do Turismo Rural 2023
Por Redacción |
-
Campo Lameiro erixirá un tótem e celebrará cunha festa popular a súa distinción como capital do turismo rural
Por Redacción |
-
En xullo se lanzará o Bono Xove Xacobeo, con descontos para a mocidade que faga o Camiño
Por Oskar Viéitez |
-
Pontevedra estrea a súa nova caseta de Turismo diante das Ruínas de San Domingos
Por Redacción |
-
Últimas horas para votar a Campo Lameiro como Capital do Turismo Rural
Por Alba Feijoo Alonso |
-
O Campo Lameiro C.D. leva ao campo de fútbol a candidatura a Capital do Turismo Rural 2023
Por Redacción |
-
Campo Lameiro, entre as dez vilas españolas que aspiran a ser Capital do Turismo Rural
Por Redacción |