Sanxenxo presentará en Fitur unha aplicación móbil para a promoción turística do municipio
Por Redacción
Turismo de Sanxenxo estará presente un ano máis en FITUR, unha das feiras turísticas máis importantes a nivel internacional, que se levará a cabo en Madrid entre os días 22 e 26 de xaneiro. Entre outras moitas actividades que se darán a coñecer nos próximos días, presentarase unha nova aplicación para dispositivos móbiles de promoción de municipio, desenvolvida pola empresa Evelb , que será de descarga gratuita para iPhone e Android.
A mesma permitirá mostrar todas as potencialidades do destino Sanxenxo a través de teléfonos móbiles. Os detalles do seu contido, así como as particularidades do seu uso e do que supoñerá para os usuarios, daranse a coñecer na presentación, así como nun posterior encontro que se celebrará en Sanxenxo para os empresarios turísticos. Búscase que sexa unha ferramenta de promoción do destino e tamén das empresas turísticas.
Este novo servizo enmárcase dentro das actuacións a desenvolver a través do convenio de colaboración que Turismo de Galicia e Turismo de Sanxenxo asinaron hai uns meses para promocionar conxuntamente o municipio.
O obxectivo primordial desta aplicación é xuntar a tecnoloxía móbil, a comunicación audiovisual e a información relevante, brindando ao visitante de Sanxenxo unha experiencia única e un xeito totalmente innovadora de descubrilo, poñendo ao seu alcance a través dos smartphones, todos os servizos turísticos á súa disposición.
Relacionadas:
-
A aplicación turística 'Sanxenxo na túa man' opta aos premios conmemorativos do Día de Internet
Por Redacción |
-
A 'app' de Turismo de Sanxenxo terá premio en Fitur
Por Redacción |
-
Todo Sanxenxo a un clic no móbil
Por Redacción |
-
Pontevedra empregará Fitur para potenciarse turísticamente nas redes sociais
Por Redacción |
-
Sanxenxo e a Xunta colaboran para potenciarse como destino turístico de calidade
Por Redacción |