O xuíz que investiga o naufragio do Villa de Pitanxo pide explicacións ao Goberno por non cumprir as súas ordes
Por Alejandro Espiño
O xuíz Ismael Moreno, que investiga o naufraxio do Villa de Pitanxo, reclamou ao Goberno que informe "urxentemente" sobre por que non se deu "debido cumprimento" ás súas ordes "claras e precisas" para que a expedición de baixada ao barco estivese coordinada pola Audiencia Nacional.
Nunha providencia dirixida ao Ministerio de Transportes, o titular do Xulgado Central de Instrución número 2 lembra que é o seu xulgado o que debía determinar "tanto as datas de realización, como a forma e peritos intervenientes" nos labores de procura do buque galego.
Así o reflectiu en senllas comunicacións, emitida os pasados 8 e 17 de maio, este último tras recibir un correo electrónico da Comisión de Investigación de Accidentes e Incidentes Marítimos (CIAIM) anunciando que o barco a cargo da expedición partiría ese mesmo día.
"Non se deu debido cumprimento polo Ministerio de Transportes ao que se acordou, a pesar de ser reiterado", subliña o xuíz Moreno no seu escrito, requirindo información aos responsables da Subdirección Xeral de Administración e Xestión Financeira e da CIAM.
O buque Ártabro partiu de Vigo cun só perito xudicial e "sen expresa autorización deste xulgado", reprocha o maxistrado, que subliña que se fixo "prescindindo total e absolutamente de canto extremos e circunstancias se apuntaban no oficio de referencia".
É máis, Moreno pide que aclaren "se efectivamente o buque partiu, se a bordo se atopa algún dos peritos xudiciais designados", así como o itinerario, as datas de realización dos traballos contratados ou as medidas que se adoptaron ou se van a adoptar para garantir a presenza física dos dous peritos xudiciais que deben estar presentes na expedición.
Eles son, precisa o xuíz, quen "debe emitir o correspondente informe pericial e presentalo ante este xulgado".
O xuíz tamén solicita á Subdirección Xeral de Administración e Xestión Financeira que remita o acuse de recibo do seu oficio do 10 de maio, dado que "salvo erro, non consta recibido nesa data, senón que se recibiu o mesmo, por mensaxeiro" o 17 de maio.
A saída da expedición que debe buscar os restos do Villa de Pitanxo provocou gran indignación nas familias dos 21 mariñeiros falecidos, que consideran que "pon en perigo" a validez das probas que se atopen e que solicitaron ao xuíz que ordene o seu regreso.
Relacionadas:
-
Regresa o Ártabro sen detectar restos dos corpos dos desaparecidos no Villa de Pitanxo
Por Redacción |
-
María José de Pazo, portavoz dos familiares do Villa de Pitanxo, ante a aparición do barco: "é unha noticia moi positiva"
Por Anxo Lourido & Cristina Saiz |
-
O Ártabro identifica o pecio atopado en Terranova como o Villa de Pitanxo
Por Redacción |
-
“Esperanza” entre as familias ao localizar o buque Ártabro unha estrutura na zona do naufraxio
Por Natalia Puga |
-
A expedición ao Villa de Pitanxo esperará en Terranova aos peritos autorizados polo xuíz
Por Redacción |
-
Reaccións contra o goberno de Sánchez polas "irregularidades" na operación para localizar o Villa de Pitanxo
Por Redacción |
-
O Goberno insiste na súa colaboración "sempre que sexa preciso" coa Audiencia Nacional para investigar o naufraxio
Por Natalia Puga |
-
A CIAIM ordenou a partida do barco que baixará ao pecio e prevé o regreso a finais de xuño
Por Natalia Puga |
-
As familias esixen ante o xuíz o regreso do barco que inspeccionará o Villa de Pitanxo
Por Natalia Puga & Juan Manuel García Tajes |