Ferido leve tras chocar co seu vehículo contra un farol e seis coches aparcados en Sanxenxo
Por Oskar Viéitez
Un home resultou ferido leve despois de saírse da vía e chocar contra un farol e seis coches aparcados en Sanxenxo.
O condutor resultou ferido, pero, segundo a información recibida no 112 Galicia, o seu estado non parecía revestir gravidade.
Unha persoa particular foi quen, ás cinco desta pasada madrugada, informou ao 112 Galicia deste accidente. Indicaba que un coche que circulaba pola PO-308, entre os quilómetros 26-27, en Noalla, saísese da vía e chocase contra un farol e outros coches que estaban estacionados. Aseguraba que tanto o vehículo como o farol quedasen atravesados na vía.
Ata o lugar acudiron nada máis ser avisados polo 112 Galicia, os axentes de Tráfico, da Policía Local e os membros do GES de Sanxenxo, que, ao chegar, solicitaron unha ambulancia para o condutor. Ademais, foron informados os Bombeiros de Ribadumia e o persoal de mantemento da vía.
Con todo, unha vez no punto, os membros do GES confirmaron que, en total, outros seis coches ademais do implicado resultasen danados.
Relacionadas:
-
Cinco coches víronse afectados por un incendio en Poio
Por Oskar Viéitez |
-
Choca co coche contra unha árbore despois de marearse cando conducía
Por Oskar Viéitez |
-
Feridos dous ciclistas en Poio ao chocar entre eles
Por Oskar Viéitez |
-
Choque entre un camión do lixo e un coche en Bueu
Por Oskar Viéitez |
-
Colisión entre un coche e un patinete eléctrico en pleno centro urbano
Por María José Pita & Diego Torrado |
-
Falece unha muller de 67 anos, natural de Zaragoza, nun accidente de tráfico en Poio
Por Redacción |
-
Atropelan un home cando cruzaba por un paso de peóns en San Xoán de Poio
Por Redacción |