Choque entre un camión do lixo e un coche en Bueu
Por Oskar Viéitez
Sobre as doce e media da noite deste sábado, unha muller resultou ferida en Bueu despois de chocar o vehículo que conducía contra un camión do lixo. Circulaba pola estrada do cemiterio, á altura do número 92.
Por fortuna, aínda que nun primeiro momento sospeitábase que a muller podía estar atrapada e ferida no interior do vehículo, o seu estado non parecía revestir gravidade.
Segundo indicaron os Bombeiros do Morrazo, que acudiron ao momento nada máis ser alertados, a condutora estaba totalmente liberada e accesible.
Foi a Policía Local quen chamou ao 112 para informar do accidente. Os axentes foran alertados por un particular e que lles advertiu de que se trataba dun accidente grave entre un coche e un camión do lixo.
Con estes datos, os xestores do 112 puxeron os feitos en coñecemento do Servizo de Urxencias Sanitarias de Galicia-061, dos Bombeiros do Morrazo e dos axentes de Tráfico. Tamén foi precisa a intervención do persoal de mantemento da vía.
O persoal sanitario encargouse da evacuación da persoa ferida.
Relacionadas:
-
Cinco coches víronse afectados por un incendio en Poio
Por Oskar Viéitez |
-
Choca co coche contra unha árbore despois de marearse cando conducía
Por Oskar Viéitez |
-
Feridos dous ciclistas en Poio ao chocar entre eles
Por Oskar Viéitez |
-
Ferido leve tras chocar co seu vehículo contra un farol e seis coches aparcados en Sanxenxo
Por Oskar Viéitez |
-
Colisión entre un coche e un patinete eléctrico en pleno centro urbano
Por María José Pita & Diego Torrado |
-
Falece unha muller de 67 anos, natural de Zaragoza, nun accidente de tráfico en Poio
Por Redacción |
-
Atropelan un home cando cruzaba por un paso de peóns en San Xoán de Poio
Por Redacción |