Atropelan un home cando cruzaba por un paso de peóns en San Xoán de Poio
Por Redacción
A PO-308 volveu a ser escenario dun accidente de tráfico. Un home de 39 anos foi atropelado por un turismo cando cruzaba un paso de peóns en San Xoán de Poio.
O accidente, segundo informou a Policía Local de Poio, rexistrouse ás doce do mediodía deste sábado na Avenida de San Xoán.
O ferido, que presenta diversas lesións, foi trasladado por unha ambulancia do 061 a un centro hospitalario de Pontevedra.
A Policía Local investiga agora as causas do atropelo por parte deste vehículo, que circulaba en dirección a Sanxenxo.
O condutor, un home de 84 anos, deu negativo nas probas de alcol e drogas. Tanto el como a vítima son veciños de Poio.
Ademais, os axentes tiveron que regular o tráfico na zona, permitindo o paso dos vehículos de maneira alternativa entre os dous carrís, o que retardou a circulación.
Relacionadas:
-
Un peón ferido grave tras ser atropelado cando cruzaba por un paso de peóns en Combarro
Por Oskar Viéitez |
-
Choque entre un camión do lixo e un coche en Bueu
Por Oskar Viéitez |
-
Ferido leve tras chocar co seu vehículo contra un farol e seis coches aparcados en Sanxenxo
Por Oskar Viéitez |
-
Tres persoas feridas nun accidente múltiple na PO-308 en Poio
Por Redacción |
-
Ferido un ciclista nun accidente cun coche en Campelo
Por Oskar Viéitez |
-
Un home de 56 anos, ferido nun atropelo nun paso de peón na Barca
Por Redacción |