A Comunidade de Montes de Antas interpón un recurso de alzada contra o parque eólico de Monte Peón
Por Oskar Viéitez
A Comunidade de Montes de Antas, no municipio de pontevedrés da Lama, interpoñerá un recurso de alzada contra a autorización administrativa outorgada pola Xunta á empresa Naturgy Renovables para construír un parque eólico nos terreos comunais de Monte Peón e tamén pide a suspensión como medida cautelar.
Esta Comunidade de Montes conta co asesoramento técnico de Tysgal Consultores e está representada polo despacho de avogados de Xoán Antón Pérez Lema que leva outros vinte recursos similares contra outros tantos proxectos de instalación de máis aeroxeradores.
Nunha rolda de prensa celebrada este mércores no local da Federación de Asociacións Veciñais Castelao, a presidenta da Comunidade de Montes de Antas, Erundina Louro, explicou que na súa aldea instalarán tres aeroxeradores de 223 metros de alto que estarán situados a escasos 600 metros do lugar onde viven uns 280 veciños.
O pasado 8 de xuño a Xunta de Galicia publicou unha resolución do 30 de marzo da Dirección Xeral de Planificación Enerxética e Recursos Naturais, pola que se outorga a autorización administrativa previa a este parque de Monte Peón.
Eva Ogando, representante dá Plataforma por un Monte Vivo, lamentou que "as administracións públicas están a sacrificar o rural galego" sen importarlle, dixo, o valor ecolóxico, forestal, gandeiro, patrimonial… "converténdose nun espolio enerxético".
Desde Monte Vivo sinala que é "contraditorio" que por unha banda se fale da España baleirada e da necesidade de recuperar o rural #ante o abandono e o envellecemento da poboación e por outra banda "quéirannos poñer macroparques eólicos nos nosos montes" que non benefician á cidadanía.
"Galicia xa ten suficientes parques, non fai falta que se constrúan máis aquí", dixo Eva Ogando "non queremos ser mal pensados pero suponse que é moito máis fácil, pelexan menos este tipo de veciños que os das grandes cidades".
Aseguran que a instalación desas tres torres eólicas ameaza o santuario de As Ermidas e supoñería un importante impacto en toda a Serra do Suído, que pasaría a estar atravesada por liñas de alta tensión.
O futuro parque, denuncian, incumpriría "normas fundamentais" para este tipo de instalacións como a distancia ás vivendas, a alteración ambiental, a desaparición de masa forestal ou a afección á saúde das persoas e a fauna ameazada.
Relacionadas:
-
O TSXG decreta a suspensión cautelar de 13 parques eólicos tras a sentenza do Tribunal Supremo
Por Redacción |
-
Arde un aeroxerador do parque eólico de Monte do Ceo na Lama
Por Anxo Lourido |
-
Pleno extraordinario na Lama para escenificar o rexeitamento do pobo ao parque eólico de Monte Peón
Por Redacción |
-
Cerdedo-Cotobade presenta recurso de alzada contra a autorización aos parques eólicos
Por Redacción |
-
Petición do BNG ao Concello de Cerdedo-Cotobade para iniciar accións xudiciais que deteñan os parques eólicos
Por Redacción |
-
Amil Sen Eólicos denuncia o inicio de voaduras no Monte Acibal sen a revisión de Patrimonio e Augas de Galicia
Por Redacción |
-
'O Devalar do Monte Galego', unha mostra para poñer en valor o monte fronte ás macroinstalacións eólicas
Por Redacción |
-
Adega abre dúas vías de crowdfunding para loitar contra os proxectos eólicos das Penizas e Touriñán III-2
Por Redacción |