Sanxenxo celebrará este domingo o Día do Orgullo LGTBI+
Por Redacción
Sanxenxo vivirá este domingo, 25 de xuño, a celebración do Día do Orgullo LGTBI+ que organiza o Centro de Información á Muller (CIM) en colaboración coa Asociación Rúa dos Viños.
A actividade enmárcase dentro das accións que impulsa o CIM co obxectivo de "promover o respecto, a igualdade e visibilización das distintas orientacións sexuais e identidade de xénero".
Ademais, no balcón consistorial ondea a bandeira multicolor como símbolo do orgullo homosexual e da diversidade das lesbianas, homosexuais, bisexuais e transexuais.
A actividade comezará a partir das 13 horas con animación na rúa que correrá a cargo de Barafunda Animación. Non faltarán os talleres infantís no campo de San Roque nin tampouco a música en directo, a partir das 14 horas, co grupo "Sobre todo ela".
Nesta actividade estarán implicados tamén os locais da Rúa dos Viños, que regalarán unha pulseira multicolor por cada consumición e bolsas de tea co lema "Liberdade de ser e sentir".
Ademais, as rúas engalanaranse con bandeiras arcos da vella con motivo da celebración.
PUNTO INFORMATIVO
A celebración do Día do Orgullo en Sanxenxo contará tamén cun espazo informativo para aquelas persoas que desexen acudir a el, que estará a cargo de Familias de menores e mocidade trans de Galicia, Arelas.
Deste xeito, o Concello de Sanxenxo quere mostrar o seu compromiso institucional coa diversidade e a liberdade sexual, corporal e de xénero.
Relacionadas:
-
"Amor universal, diverso e libre", reivindicación de Marín polo Día Internacional do Orgullo LGTBI+
Por Redacción |
-
Masiva manifestación para tecer "diversidades contra a violencia" no Orgullo 2023
Por Cristina Saiz & Redacción |
-
Bob Pop: "Facer a primeira tempada de 'Maricón perdido' foi un erro do sistema onde me coei e estou supercontento"
Por Mónica Patxot & Anxo Lourido |
-
Pontevedra inicia unha semana festiva para tecer diversidade
Por Redacción |