Poio e A Illa reciben as súas bandeiras azuis
Por Redacción
Os concellos de Poio, A Illa de Arousa e A Guarda xa teñen no seu poder as bandeiras azuis que lles foron concedidas para lucir durante o verán nas súas praias.
Nun acto celebrado na delegación pontevedresa da Xunta de Galicia e presidido polo novo delegado territorial, Agustín Reguera, o alcalde de Poio, Ángel Moldes, e a edil arousá Rosi Viana recibiron as bandeiras.
Trátase de distintivops que lucirán nos areais de Cabeceira (Poio) e Area da Secada e O Bao (A Illa de Arousa).
"Houbo concellos que, por distintos motivos, non puideron asistir á entrega oficial das bandeiras azuis celebrada hai dez días en Arteixo, algo que entendemos perfectamente porque ademais foi na semana de constitución das corporacións, pero desde a Xunta queriamos entregarllas xusto agora que comezou o verán para que, desde hoxe mesmo na festividade de San Xoán, poidan lucir nos areais da nosa provincia", afirmou o representante do goberno autonómico.
"A bandeira azul é un sinal de identidade moi importante, xa que outorga certezas de calidade e seguridade sobre os areais e outros servizos turísticos aos usuarios, sexan galegos, residentes ou de viaxe pola terra, ou ben turistas", defendeu Reguera agradecendo a colaboración de todos os concellos para que "Pontevedra sexa unha provincia tan prolífica nestes recoñecementos".
Relacionadas:
-
O BNG solicita que se acondicione o acceso da praia do Laño
Por Oskar Viéitez |
-
O xefe da Policía Local da Illa de Arousa presenta a súa dimisión
Por Redacción |
-
Comeza por Campelo a posta a punto de todas as praias de Poio
Por Oskar Viéitez |
-
Cheo absoluto nas praias nunha calorosa primeira fin de semana de verán
Por Redacción & Cristina Saiz |
-
Seis socorristas vixiarán este verán as praias de Cabeceira e Xiorto
Por Redacción |
-
Sanxenxo volve liderar as praias con bandeira azul de Galicia, a terceira rexión con máis distintivos
Por Redacción |
-
Izadas as bandeiras dos sendeiros azuis de Poio
Por Redacción |
-
Poio suma o seu segundo sendeiro azul, a Variante Espiritual do Camiño Portugués
Por Redacción |