José Flores anuncia reforzos sanitarios este verán para Sanxenxo e O Grove
Por Oskar Viéitez
O xerente da Área Sanitaria de Pontevedra e O Salnés, José Flores, anunciou que este verán "imos dispoñer dos reforzos naqueles puntos nos que existe maior concentración de visitantes, como pode ser Sanxenxo".
Nega deste xeito as denuncias formuladas pola Plataforma pola Sanidade Pública, que sostiña o contrario ao que engadía a "falta de ambulancias que atrasan máis dunha hora a asistencia de enfermos urxentes" en localidades como Cerdedo-Cotobade e aos "atrasos de días na realización de analíticas por falta de persoal de enfermería" no centro de saúde de Baltar, en Portonovo.
"Sabemos que hai poboacións que se multiplican ata por seis e aquí imos facer ese esforzo de contratación, ese esforzo de reforzo, de maneira que imos abrir dúas consultas de desprazados que tamén reforzarán o punto de atención continuada", anunciou Flores
O xerente da área Sanitaria tamén comprometeu que "está garantida a presenza de médico, enfermeiro e persoal de servizos xerais en todos eles durante os meses de verán. Imos confiar en que a día de hoxe temos cuberta practicamente a totalidade dos centros da área sanitaria, sobre todo naqueles nos que hai máis incidencia de poboación para os desprazamentos relacionados coas vacacións".
INCREMENTO DE CAMAS
Flores tamén sinalou que o incremento de camas será do 20% e que no caso da UCI practicamente duplicará o seu número de camas o que difire do denunciado pola plataforma que se referiu ao "incremento ridículo de camas (10 por cento máis) ou quirófanos (só un máis) na ampliación do Hospital Montecelo para favorecer a concertación con centros privados, mentres se planifica unha macrocafetería para o negocio privado".
Relacionadas:
-
Sanidade acorda cos profesionais os detalles da ampliación do centro de saúde de Baltar
Por Redacción |
-
Alertan da "situación crítica" en Cerdedo-Cotobade, sen medicina de familia nin pediatría en agosto
Por Redacción |
-
Luisa Lores (Sumar) defende a necesidade de "blindar o carácter público" do sistema nacional de saúde
Por Redacción |
-
O Concello mellorará a recollida de augas pluviais e residuais do Gran Montecelo
Por Oskar Viéitez & Cristina Saiz |
-
Continúa a folga do sector das ambulancias ante a falta de noticias da patronal
Por Almu Dapena |
-
Primeira xornada de folga no sector das ambulancias con petición de melloras salariais e laborais
Por Cristina Saiz & Anxo Lourido |
-
Música, cinema, arte, maxia, tradición e espectáculos enchen a programación de verán de Sanxenxo
Por Redacción |
-
Críticas do PP ao mal estado dos accesos ás praias do Grove
Por Redacción |
-
O Concello habilita unha senda peonil no acceso a Punta Montalvo para mellorar a seguridade viaria
Por Redacción |
-
Agustín Reguera anima as asociacións a solicitar a cesión de locais no edificio de Benito Corbal
Por Redacción |
-
Detido por roubar a pensión a dúas anciás facéndolles vivir en condicións infrahumanas
Por Oskar Viéitez |
-
A Área Sanitaria acolleu a reunión do Consello Asesor de Pacientes composto por 24 asociacións
Por Redacción |