O Concello mellorará a recollida de augas pluviais e residuais do Gran Montecelo
Por Oskar Viéitez & Cristina Saiz
O alcalde de Pontevedra, Miguel Anxo Fernández Lores, informou este venres da aprobación en Xunta de Goberno Local dun proxecto de mellora para a recollida de pluviais e augas residuais no novo hospital de Montecelo.
"A ninguén se lle escapa que ao aumentar a edificabilidade haberá un volume maior de augas", sinalou o rexedor, polo que "é preciso acometer esta mellora antes do inverno para evitar que haxa problemas con pequenas inundacións".
Así, o goberno local acaba de aprobar unha actuación que contará cun orzamento próximo aos 800.000 euros e a obra contratarase "canto antes".
Os traballos inclúen un aumento da rede de fecais en 90 metros e unha ampliación das canalizacións de pluviais en 800 metros para evitar que o río Marco reciba vertidos.
NOVA OFICINA DE XESTIÓN DE FONDOS EUROPEOS
Nesta mesma comparecencia o alcalde deu conta da decisión de crear un programa temporal de xestión e tramitación de fondos europeos, unha tarefa "complexa e esixente", que provocou algún atasco nalgúns servizos municipais. "Somos conscientes de que precisamos un reforzo importante para garantir a tramitación destes fondos", xustificou.
O programa durará, en principio, catro anos. Serán contratados un técnico do grupo A, un enxeñeiro e un administrativo, para a xestión dos fondos concedidos. A contratación do persoal iniciarase de inmediato.
"Valoramos moi positivamente o logrado ata o de agora. Temos, en EDUSI, unha execución por encima da media do Estado", indicou Lores.
Relacionadas:
-
O mal tempo deste outono obriga a prorrogar as obras para ampliar os servizos básicos do Gran Montecelo
Por Natalia Puga |
-
O alcalde responsabiliza a Xunta das expropiacións da vía perimetral de Montecelo
Por Mónica Patxot & Diego Torrado & Anxo Lourido |
-
A mellora da liña de media tensión para o Gran Montecelo correrá a conta do Concello
Por Alejandro Espiño |
-
21 empresas optan ás obras da rede de recollida de pluviais e residuais do novo Montecelo
Por Redacción |
-
A Xunta agarda informar publicamente "en poucos días" sobre o aparcamento do novo Montecelo
Por Anxo Lourido |
-
José Flores anuncia reforzos sanitarios este verán para Sanxenxo e O Grove
Por Oskar Viéitez |
-
O Novo Montecelo obtén unha alta puntuación no exame de sustentabilidade
Por Oskar Viéitez |