A Xunta agarda informar publicamente "en poucos días" sobre o aparcamento do novo Montecelo
Por Anxo Lourido
Ethel Vázquez, conselleira de Infraestruturas e Mobilidade, explicaba ese mércores na súa visita ao edificio administrativo da Xunta de Galicia que as obras do novo Montecelo "van a bo ritmo" e xa é posible comprobar que as edificacións se atopan levantadas.
Adiantou que, nestes momentos, están a ultimar os trámites técnicos administrativos para crear o novo aparcamento e tamén a cafetería que dará servizo ao Hospital Montecelo.
Asegurou que "en moi poucos días" avanzarán na información pública do aparcamento, que contemplaría máis de 800 prazas de estacionamento, e do proxecto construtivo da nova cafetería.
A intención da Xunta de Galicia é que este aparcamento sexa de pago, xestionado por unha empresa privada, do mesmo xeito que sucede noutros centros hospitalarios públicos de Galicia.
Vázquez insistiu nos investimentos da administración autonómica en Pontevedra durante os últimos anos.
Relacionadas:
-
21 empresas optan ás obras da rede de recollida de pluviais e residuais do novo Montecelo
Por Redacción |
-
O Concello mellorará a recollida de augas pluviais e residuais do Gran Montecelo
Por Oskar Viéitez & Cristina Saiz |
-
O Novo Montecelo obtén unha alta puntuación no exame de sustentabilidade
Por Oskar Viéitez |
-
O futuro aparcamento do Gran Montecelo terá 900 prazas e prezos "moi competitivos"
Por Alejandro Espiño & Mónica Patxot |