Unha vía de auga nunha embarcación provoca o rescate de sete persoas en Silgar
Por Redacción
Susto en Silgar cando unha lancha motora con sete ocupantes comezaba a afundirse debido á presenza dunha vía de auga.
Sucedía este sábado 15 de xullo. A embarcación de oito metros de eslora atopábase a un quilómetro e medio da praia de Silgar.
Os socorristas utilizaron as súas embarcacións para acudir ata o lugar onde permanecía a lancha.
Tres dos tripulantes foron trasladados ao porto de Portonovo pola embarcación de Emerxencias de Sanxenxo e as outras catro eran remolcadas con lanchas de Nauta e o Náutico, segundo informa o Concello.
Nauta encargouse tamén de transportar a lancha afectada ata o porto de Sanxenxo.
Relacionadas:
-
As fanecas de Sanxenxo, menos rabudas que o ano pasado, acaparan o traballo dos socorristas
Por Oskar Viéitez |
-
Rescatan dúas persoas que navegaban en canoa ao irse contra a zona rochosa de Paxariñas
Por Redacción |
-
Un home de 50 anos falece en Montalvo ao caerlle enriba o coche que reparaba
Por Redacción |
-
127 bañistas, atendidos en Sanxenxo no mes de xuño por picaduras de faneca
Por Redacción |