Abre a feira de artesanía e deseño Chalana con postos de venda e demostracións de teceduría artesá
Por Cristina Saiz & María José Pita
Este mércores 19 de xullo abrían as trece casetas, a maioría de artesáns galegos, que forman a feira de artesanía e deseño Chalana no Paseo Antonio Odriozola de Pontevedra.
Na súa 16 edición, esta cita co produto artesán é xa unha cita xa tradicional nas Festas do Verán.
A concelleira María José Abilleira visitaba os diferentes postos e daba a benvida por parte do Concello aos artesáns.
A edil manifestaba a importancia desta feira. "Ademais de poñer en valor os produtos propios da artesanía, tamén poñen en valor o lugar e os sitios onde se desenrolan, nos centros das vilas e nos centros das cidades".
Este percorrido facíao acompañada de Xosé Tristán, pertencente a Asociación Deseño Atlántico, a organizadora de Chalana. Tristán afirmaba que "esta feira funciona moi ben, os artesáns marchan moi contentos, incluso hai lista de espera".
A Feira de Artesanía e Deseño Chalana estará aberta do 19 de xullo ao 6 de agosto en horario de 11.00 a 14.00 h e de 19.00 a 22.00 h.
Todos os días da feira haberá demostracións en vivo de traballos de teceduría artesanal con tear a cargo do Taller 'Cuaderna Maestra' de Pontevedra, con María José Lois á fronte.
ARTESÁNS EN CHALANA
- Amorei (xoiería de Arcade)
- Llue Vidrio (vidro de Asturias)
- Xacarandá (taller de xoiería de Pontevedra)
- Mario López (xoiería cerámica de Vigo)
- Cuaderna Maestra (teceduría de Pontevedra)
- Os Alegres (obradoiro de instrumentos tradicionais de Mourente)
- Montse Betanzos (coraleira do Grove)
- Chueco (traballo co coiro da Coruña)
- Magma (reciclado de botellas de Pontevedra)
- Coiro Tres Pés (traballo co coiro de Campañó)
- Aloe Plant (cosmética artesá desde Almería)
Relacionadas:
-
Fillas de Cassandra triunfan no inicio do ciclo 'Con voz de muller'
Por Mónica Patxot & Anxo Lourido |
-
Local Pop/Rock desembarca esta fin de semana na Boa Vila para dar visibilidade ao talento musical pontevedrés
Por Redacción |
-
Pontevedra busca ser un "fervedoiro" cunhas Festas de Verán convertidas no 'Pontevedra Verán Fest'
Por Alejandro Espiño & Mónica Patxot |