Sanxenxo elabora un plan de prevención e seguridade para casos de emerxencia nas praias
Por Redacción
O próximo pleno ordinario do Concello de Sanxenxo leva entre os puntos para tratar a aprobación do Plan de Seguridade de Praias en caso de emerxencia. Tomando como referencia o Plan Sapraga de carácter autonómico e a catalogación dos areais segundo o seu perigo e afluencia inclúense no documento 18 praias: A Lanzada, A Lapa, Area de Agra, Areas, Areas Gordas, Baltar, Bascuas, Canelas, Caneliñas, O Espiñeiro, Foxos, Major, Montalvo, Nosa Señora da Lanzada, Panadeira. Paxariñas, Pragueira e Silgar.
O plan analiza os riscos en cada unha das praias e tamén os medios dispoñibles necesarios para actuar en caso de emerxencia. Ademais, especifícanse os puntos de evacuación e estímase o tempo que tardarían en chegar ao centro médico ou hospital máis próximo. Ademais, determina a coordinación adecuada de todos os servizos públicos chamados a intervir e dos distintos dispositivos de intervención de situacións de emerxencia, sendo o seu alcance o rescate de bañistas en perigo de ahogamiento, a asistencia sanitaria aos usuarios das praias, a evacuación de feridos e enfermos e previr aos bañistas sobre riscos innecesarios.
Desta forma, este documento contempla a colaboración entre o Concello e outras administracións que teñan competencia no caso de que se produzan emerxencias extraordinarias producidas no mar.
Doutra banda, o texto fixa o sistema de alerta e información á poboación, facéndolles chegar a través de pictogramas os servizos dispoñibles, os riscos, así como calquera información necesaria para o correcto uso da praia por parte dos usuarios. Tamén, o plan establece as normas e instrucións de seguridade nos lugares destinados ao baño e define os protocolos para seguir para o rescate de persoas accidentadas.
O obxectivo con este Plan é seguir mellorando a seguridade nas praias e reducir os riscos que se poidan producir nos areais.
Relacionadas:
-
Estrean bandeiras de socorrismo adaptadas a persoas daltónicas nas praias de Sanxenxo
Por Redacción |
-
Izadas as 17 bandeiras azuis nas praias de Sanxenxo
Por Redacción |
-
23 socorristas serán financiados pola Xunta en sete concellos da ría e da comarca
Por Redacción |
-
Incorpóranse 15 auxiliares da Policía Local para reforzar a seguridade estival en Sanxenxo
Por Redacción |
-
Areas, Silgar, Canelas e Montalvo contan con socorristas desde este venres
Por Redacción |