O traslado da carroza procesional abre o programa relixioso das Festas da Peregrina
Por Oskar Viéitez & Natalia Puga
Unha vez que o pregón de Pilar Señoráns abriu ao mediodía deste sábado a programación oficial das Festas da Peregrina, o traslado da carroza profesional deu por inaugurada a programación relixiosa das festas grandes da cidade.
A carroza procesional presenciou o pregón na praza de España e, desde alí, ás 13.15 horas, partiu en dirección ao santuario da Virxe Peregrina. Centos de persoas agardaban xa ao longo de toda a rúa Michelena e na propia praza da Peregrina tan esperado momento, que cada ano resulta moi emotivo grazas, entre outras cuestións, aos nenos e nenas que compoñen a comitiva.
Acompañada por fieis e agrupacións folclóricas, a carroza realizou o percorrido entre flores e a admiración dos pontevedreses e visitantes con rumbo á praza na que tivo lugar a tradicional ofrenda.
Os traxes galegos e tamén os traxes de gala foron os protagonistas deste cerimonioso traslado da carroza, no que non faltaron charangas, cabezudos e os pequenos confrades que cada ano esperan con devoción este día para realizar este percorrido tanto a pé como sobre a carroza.
Ás portas do centro realizouse a ofrenda floral tradicional e, a continuación, a cerimonia litúrxica e a homenaxe final en forma de pombas.
Antes e despois dos actos relixiosos, o protagonismo foi para as agrupacións musicais que animaron as rúas do centro histórico. As agrupacións folclóricas Os Alegres de Mourente, Os de Algures, Duos Pontevedra e Celme percorreron as rúas despois do pregón e, ao final da misa, actuaron nas distintas prazas.
Relacionadas:
-
O arranque das Festas da Peregrina, "un éxito" coa cidade "petada todos os días"
Por Natalia Puga |
-
Celme volve levar o nome de Pontevedra ao Festival Internacional de Danza Folclórica de Edimburgo 11 anos despois
Por Natalia Puga |
-
Centos de persoas réndense á Peregrina polas rúas da cidade no seu día grande
Por Diego Torrado & Redacción |
-
Luís López pide forza á Peregrina contra as fendas de xénero, "a estas alturas de século XXI, unha realidade intolerable"
Por Natalia Puga |
-
Los Tres Soles del Paraguay abren oito noites musicais
Por Diego Torrado & Redacción |
-
Comezan as Festas da Peregrina: "Brindade a mogollón coa familia, cos amigos, pero non fagades botellón"
Por Natalia Puga & Oskar Viéitez |
-
Este é o programa de festas da Semana Grande da Peregrina
Por Redacción |