Amencer-ASPACE conmemora o Día Mundial da Parálise Cerebral con actividades de concienciación en centros educativos
Por Oskar Viéitez
Amencer-ASPACE conmemorou o Día Mundial da Parálise Cerebral achegando a realidade do colectivo á comunidade educativa.
En Pontevedra, alumnos do Colexio de Educación Especial de Amencer-ASPACE en Lourizán trasladáronse ao CEIP Vilaverde, en Mourente, para participar nunha xornada de convivencia con alumnado de segundo curso de primaria.
Compartiron a lectura teatralizada do conto 'Leotolda', onde puideron ver os sistemas de comunicación alternativos que moitas persoas con parálise cerebral utilizan para relacionarse no seu día a día.
Unha vez finalizada a lectura, todos os participantes colaboron na creación dun cadro onde se simbolizará a importancia da atención temperá para o desenvolvemento dunha persoa.
Os alumnos de Amencer-ASPACE en Vilagarcía de Arousa sumáronse tamén a estas actividades de divulgación e concienciación. Acudiron acompañados por profesionais do Centro de Atención Integral Princesa Letizia ao CEIP Xulio Camba onde realizarán a actividade "Inclusión á inversa", onde os alumnos de primaria puideron experimentar en primeira persoa cal é o día a día das persoas con parálise cerebral probando como é moverse nunha cadeira de rodas, utilizar un sistema de comunicación alternativa ou algo tan básico como comer e beber.
Esta iniciativa forma parte da campaña "Nacín para Vivir a Vida", posta en marcha a nivel nacional pola Confederación ASPACE.
Nesta ocasión, incidiron na atención temperá e a importancia vital que ten no desenvolvemento das persoas con parálise cerebral para a mellora da súa calidade de vida.
Relacionadas:
-
O Centro Princesa Letizia de Amencer-Aspace conta con 22 novas prazas de atención diúrna e 9 de residencial
Por Redacción |
-
O Pazo da Deputación acolle unha exposición sobre a importancia da atención temperá na parálise cerebral
Por Mónica Patxot & Redacción |
-
Chegan as celebracións de Nadal para as persoas usuarias de Amencer-Aspace
Por Redacción |
-
O colexio de Riomaior xunta aos cinco alcaldes da comarca coa súa iniciativa "Xirarei polo Morraso"
Por Redacción |
-
O Pazo Provincial acolle a exposición fotográfica 'Yo Decido' de ASPACE
Por Redacción |
-
Inaugurada a nova residencia de Amencer-Aspace
Por Oskar Viéitez & Mónica Patxot |