Os ambulantes manteñen o pulso e néganse por segunda semana a montar a feira en Bos Aires
Por Diego Espiño
Por segunda semana consecutiva os vendedores ambulantes negáronse a estrear a feira na nova localización proposta polo Concello de Pontevedra, a Avenida de Bois Aires.
Si accederon ao espazo reservado para o mercadiño coas súas furgonetas e camións, para montar moitas das estruturas dos postos e mesmo nalgún caso estendendo a súa mercadoría, co obxectivo de forzar o peche da avenida.
"Estamos a montar as estruturas pero non imos vender porque isto é un caos total. Mándannos encima das beirarrúas, con farois por medio dos postos, sinais, unha marquesiña de autobús nun posto. É inviable", explicaba a presidenta da Asociación de Ambulantes Galegos e Autónomos, Marga González, ás 9.30 horas da mañá, hora na que debía comezar a feira ambulante.
"Imos estar aquí toda a mañá e imos volver a manifestarnos cos coches", explicaba González sobre a previsión de circular cos seus vehículos pola zona afectando o tráfico rodado.
A súa petición segue sendo a mesma, a de instalar de maneira permanente a feira na Alameda, reivindicación que aseguran manterán aínda que abrindo unha opción para montar os seus postos en Bos Aires se se producen certos cambios, como poder colocar os seus vehículos sobre a beirarrúa para protexer os vendedores do río e ao lado contrario "se quitan a mediana podemos montar e traballar", asegurou a representante do colectivo.
Relacionadas:
-
A feira ambulante dos sábados regresa, seis meses despois, ao punto de partida
Por Redacción & Cristina Saiz |
-
Procesión mortuaria dos vendedores ambulantes para reivindicar a feira na Alameda
Por Mónica Patxot & Anxo Lourido |
-
Rafael Areses volverá acoller feirantes a partir deste sábado 14 de outubro
Por Anxo Lourido & Cristina Saiz |
-
Tres meses sen feira en Pontevedra, segundo o PSOE, pola "terquedade" do goberno municipal
Por Alejandro Espiño |
-
Estrea frustrada da feira na avenida Bos Aires: ocupan a rúa con postos, pero sen venda e colapsan o tráfico
Por Natalia Puga & Cristina Saiz |
-
Os feirantes mantéñense firmes na súa postura: "Non renunciamos a estar na Alameda. Nin renunciaremos"
Por Redacción & Mónica Patxot |
-
O Concello asume que os feirantes non instalarán este sábado os seus postos en Bos Aires
Por Alejandro Espiño |