Un accidente frontal en Cuntis deixa dous condutores feridos
Por Anxo Lourido
Dous vehículos impactaban frontalmente durante as primeiras horas da tarde deste mércores 8 de novembro no lugar de Hervés, na parroquia de Troáns do municipio de Cuntis.
Ata o lugar desprazábanse os servizos de Emerxencias de Cuntis e atopábanse cos dous condutores, únicos ocupantes dos vehículos, con diferentes feridas provocadas polo brutal impacto.
Segundo Emerxencias, o condutor do Citroën, un home de 37 anos presentaba feridas na cara, ademais de dor no peito e no costado. O condutor da furgoneta queixábase principalmente de dor nas cervicais.
Ambos saíron polo seu propio pé dos vehículos e foron trasladados en ambulancia ao Hospital QuirónSalud de Pontevedra para someterse a unha exploración médica.
Segundo as mesmas fontes, o condutor da furgoneta indicaba que perdera o control do vehículo, por causas que se investigan, cando tentou frear e terminou golpeando ao turismo.
O accidente producíase á saída dunha curva e o firme estaba mollado debido ás persistentes chuvias desta xornada.
Relacionadas:
-
O incremento do gasto en servizos básicos altera as contas do Concello de Cuntis
Por Oskar Viéitez |
-
Dous aparatosos accidentes en Caldas deixan importantes danos materiales
Por Redacción |
-
Morre atropelada unha muller de 95 anos no casco urbano de Cuntis
Por Redacción |
-
Queda atrapado dentro do coche tras caer a unha leira de Cuntis na N-640
Por Redacción |
-
Ferida unha motorista nun accidente de tráfico en Cuntis
Por Oskar Viéitez |